Online Storage

စိန်တုံးကြီးအကြောင်း ဇာတ်သိမ်း

Thet Nandar — Fri, 30 Oct 2009 10:19:22 +0000

စိန်တုံးကြီးများအကြောင်း (ဇာတ်သိမ်းပိုင်း)

စိန်တုံးကြီးများ အကြောင်း ပေါင်းချုပ် မထွက်သေးဘူး လားဟု မေးသူတွေ ခဏခဏ ကြုံရသည်။ အယူအဆ အမှား များလောက် ရေးစရာပေါသော ခေါင်းစဉ်ကိုပင် ကိုးလတည်း ရေးခဲ့သော ဒေါက်တာရဲသည် တစ်ခါမှ အကြာကြီး ရေးနေ၍ အံ့ဩ ကြဟန် တူသည်။ စရေးတုန်းက ပါမောက္ခရဲ ဖြစ်သည် အထိ ရေးမှာဟု နောက်တီးနောက်တောက်ရေးခဲ့ရာ ယခုတော့ ပါမောက္ခလည်း တကယ်ဖြစ်သွားခဲ့ပြီ၊ စိန်တုံးကြီး ဆိုသည့် စကားလုံး၏ ပိုင်ရှင် အစစ် အစ်ကို ဆရာ ပါမောက္ခ ဦးဖေသက်ခင် လည်း ကလေး အထူးကု ဆရာဝန် ဘဝကို ကျောခိုင်း၍ အငြိမ်းစား ယူသွားသည့် အဖေဆရာ နေရာမှာ ပါမောက္ခချုပ်ကြီး ဖြစ်နေပြီ။

ကိုယ့်ကလေးကို ကိုယ် လက်လက်ထ နေသည်ဟု မခေါ်ရက် သဖြင့် စိန်တုံးကြီးဟု ခေါ်သင့်ကြောင့် သူ စ နာမည် ပေးခဲ့သည့် သူ့သား စိန်တုံးကြီးပင် လူပျိုကြီး ဖားဖား ဆေးကျောင်းသား ဖြစ်နေပြီ။ရေးမည်ဆိုလျှင် ရေးစရာတွေ ကျန်ကောင်း ကျန်မည် ဖြစ်ပေမဲ့ လုံးချင်း ကျမှ စောင့်ဖတ်တော့ မည် ဟု မျှော်နေသူများ ကို အားနာစွာ နိဂုံးချုပ် ပေးရတော့ မည်ဖြစ်လေရာ ကလေး အထူးကု ဆရာဝန် တစ်ဦးအနေ နှင့် အရွယ် ပေါင်းစုံ ကြည့်ရှု တာဝန် ယူရသည့် အထဲမှာ မှ ဘာကြောင့် သည်တစ်နှစ်သား မှ ကျောင်းမနေခင် အရွယ် အထိကို စိတ်ဝင်တစား အကြာကြီး ရေးခဲ့ရ သလဲ ဆိုတာလေး ပြန်ရှင်းပြ ခွင့်ပြုပါ။
၁။ သိသာထင်ရှားသော
ပြောင်းလဲ တိုးတက်မှု များသော အရွယ်ပါ
လမ်းစ လျှောက်လာမည်၊ စကားစ ပြောတတ် လာမည်၊ ကိုယ့်လက် နှင့် ကိုယ့်ခွက်ကို မော့သောက်တတ် လာရာ ကနေ အစား အသောက်ကို လူကြီးလို ဇွန်းနှင့် ပန်းကန် နှင့် စားတတ်သည့် အဆင့် အထိ တိုးတက် လာမည်။

တိုးတက်ပြောင်းလဲမှုဖြစ်စဉ်များသော အရွယ် ဖြစ်သဖြင့် ဖြစ်သင့် သည့် အတိုင်း မဖြစ်ခဲ့ လျှင်လည်း သတိထား စရာ၊ ဆရာဝန် နှင့် ဆွေးနွေး စရာတွေ များပါသည်။ ဒါတွေကို သည် ဆောင်းပါးရှည်ကြီး ရယ်၊ ရတနာသိုက် စာပေတိုက် မှပင် ထုတ်ဝေခဲ့ဖူးသော ကျွန်တော် ၏ ရင်သွေး ရတနာ ကလေးများ အတွက် စာအုပ်ရယ် နှစ်ခုပေါင်း လိုက်လျှင် ခြုံငုံ မိပြီဟု ယူဆပါသည်။

၂။ စူးစမ်း လေ့လာ တတ်သော အရွယ်ပါ
ခွက်လေးမှောက်နေတာတွေ့လျှင်တောင် လှန်ပြီး အထဲမှာ ဘာရှိ သလဲ ရှာပါလိမ့်မည်။ ပိုးကောင်အသေလေးတွေ့လျှင်တောင် အနည်း ဆုံး လက်နှင့်တို့ကြည့်ပါလိမ့်မည်။ ကံမကောင်းလျှင် ပါးစပ်ထဲထည့် ကြည့်တတ်ပါသေးသည်။ ထို့ကြောင့် သည်အရွယ်၏ ပတ်ဝန်းကျင်ကို သူတို့အတွက် ဘေးကင်း လုံခြုံအောင် အစစ သတိထား ပြင်ဆင် ထားမှ တော်ရုံ ကျပါမည်။ဒါကို သည်ဆောင်းပါးထဲ တွင်ပင် ကျွန်တော် ပြည့်ပြည့် စုံစုံ ဖော်ပြ ဖြစ်ခဲ့ ပြီဟု ထင်ပါသည်။

၃။ ကူးစက် ရောဂါ သတိထား ရမည့်အရွယ်ပါ
မိခင် ရင်ခွင်ထဲမှာ ဆင်းကာ ပတ်ဝန်းကျင်နှင့် စတင် ထိတွေ့ တော့မည့် အရွယ်ပါ။ ကျောင်းနေ အရွယ် ကလေးငယ် လောက် ပတ်ဝန်းကျင် နှင့် အထိအတွေ့မများသေးသော်လည်း ကျောင်းနေ အရွယ် ကလေးငယ် လောက် လည်း ကိုယ်ခံ အား မကြွယ်သေးပါ။
ခဏခဏ ဖျားတတ်၊ ချောင်းဆိုးတတ်၊ ဝမ်းပျက် တတ်ပါသည်။ တချို့သော ရောဂါတွေက ကာကွယ် ဆေးထိုး၍ ကာကွယ် နိုင်ပါသည်။ သည်အရွယ် မှာ ထိုးရမည့် ကာကွယ်ဆေးတွေ အကြောင်းလည်း ကျွန်တော် ပြည့်ပြည့်စုံစုံ ဖော်ပြ ဖြစ်ခဲ့သည်ဟု ထင်ပါသည်။ တချို့ ရောဂါတွေက ကာကွယ်ဆေးမရှိ။ ဆောင်ရန်၊ ရှောင်ရန်တွေ သာရှိသည်။ အဲသည့် ရောဂါတွေ အတွက်တော့ သည်ဆောင်းပါး ရှည်ကြီး ရော၊ စွယ်စုံမီဒီယာ အုပ်စုမှ ထုတ်ဝေခဲ့သည့် ကလေး ရှေးဦး သူနာပြုစု နည်းစာအုပ် ရော တွဲဖတ်ဖို့ လိုမည် ထင်သည်။

၎။ သင်ကြား လေ့လာမှုများ စတင်သည့် အရွယ်ပါ
သည်အရွယ်မှာ ခေတ်အစားဆုံး မေးခွင်းကတော့ ဘယ်တော့ မူကြို စထား ရမလဲ ဆိုတာ ဖြစ်သည်။ သည်ဆောင်းပါးရှည်ကြီး ထဲတွင် မူကြို ဘယ်တော့ စထား သင့်သည် ဆိုသည့် ကိစ္စ သာမက မူကြို မထားခင် ကတည်းက ကလေး၏ လေ့လာ သင်ယူမှု အားကောင်းအောင် ဘာတွေ လုပ်ပေးရမည် ဆိုတာ ကျွန်တော် ပြည့်ပြည့် စုံစုံ ဖော်ပြ ဖြစ်ခဲ့ ပါသည်။

၅။ အားလုံး ဝိုင်း၍ တုံတက် နေကြသော အရွယ်ပါ
ချစ်စရာ အကောင်းဆုံး၊ တတောက်တောက်၊ ယိုင်ထိုး ယိုင်ထိုး လျှောက်ပြေး နေပြီး တွတ်တီး တွတ်တာ ပြောတတ်သည့် အရွယ်မို့ အဖေရော၊ အမေရော၊ အဘိုး အဘွား၊ ဦးလေး၊ အဒေါ်၊ အစ်ကို အစ်မ အားလုံး ဝိုင်းချစ် နေကြသည့် အရွယ်ပါ။ သည်တော့ တစ်ယောက် တစ်ပေါက် မေးလာသည့် မေးခွန်းများလည်း ရှိသလို တစ်ယောက် တစ်ပေါက် ပေးကြသည့် အကြံများလည်း ရှိပါ သည်။
ဒါတွေ မှန် မမှန် ဆင်ခြင်ဖို့ နှင့် အဖြေရှာဖို့ အတွက်တော့ သည် ဆောင်းပါး ရော၊ နန်းဒေဝီစာပေက ထုတ်ဝေ ခဲ့သည့် ကလေး ကျန်းမာ ရေးဆိုင်ရာ အယူ အဆမှားများ စာအုပ်ရော တွဲဖတ်ဖို့ ညွှန်းပါ ရစေ။

၆။ စာရေးသူ ၏ ဘဝ အပြောင်းအလဲ အများဆုံး အချိန်ပိုင်းပါ
သည်ဆောင်းပါးရှည်ကြီး ရေးနေရင်း မြို့နှစ်မြို့ ခေါက်တုံ့ ခေါက်ပြန်ပြောင်း ခဲ့ရသည်။ ရာထူး သုံးဆင့် တက်ခဲ့သည်။ စာအုပ်ပေါင်း များစွာ ထွက်ခဲ့သည်။ စာရေး ဆရာမ ဖြစ်တဖြစ် ဘဝမှ အမျိုးသား စာပေဆုရ စာရေးဆရာ ဖြစ်ခဲ့သည်။ ကိုယ့်ဘဝ အပြောင်းအလဲ တွေများ နေတုန်း ရေးခဲ့သည့် ဆောင်းပါးမို့ နိဒါန်းတွေ၊ အချီးတွေမှာ ကိုယ့်အကြောင်း ကိုယ် ထည့်ထည့် ရေးတာ တွေ မကြာခဏပါ နေသည်ကို တော်တော် သည်းညည်းခံ ဖတ်ရမည့် ဆောင်းပါးပါ။ သည်အချိန် အထိ သည်းညည်းခံ စိတ်ရှည်ရှည် ဖတ်လာ ခဲ့သည့် ချစ်လှစွာ သော စာဖတ် ပရိသတ် တို့ကို တောင်းပန်ရင်း ကျေးဇူးတင် စကား ဆိုပါ ရစေ။

ကျန်းမာရေး မဂ္ဂဇင်း မဟုတ်ပါ ဘဲနှင့် လဆန်းတာနှင့် ဆောင်းပါး မှန်မှန် လာတောင်း ၍ ဖော်ပြ ပေးတတ်သော Perfect အဖွဲ့သားများကို လည်း ကျေးဇူးတင် ပါသည်။ သည်လူတွေ လုံးချင်း ထုတ်ကြ ဦးမှာပါ။ အားပေး ကြပါဦး။
စိန်တုံးကြီးများ အရောင် တဖျတ်ဖျတ် ခါနိုင် ကြပါစေ…။
ပြီးပါပြီ။

ဆန္ဒမွန်ဖြင့်
ဒေါက်တာရဲ (ကလေးအထူးကုဆရာဝန်)

source : Perfect Magazine

ဖွံ့ဖြိုးတိုးတက်မှုကို ကြည့်ရှုပေးခြင်း

Thet Nandar — Fri, 30 Oct 2009 10:14:28 +0000

ဖွံ့ဖြိုးတိုးတက်မှုကို စောင့်ကြပ်ကြည့်ရှုပေးခြင်း

ဆရာဝန်၊ ကျောင်းဆရာ၊ စာရေးဆရာ။
ဘ၀မှာ ဖြစ်ချင်သည့် ဆန္ဒက သုံးခုတောင် ဆိုတော့ အဲဒါတွေ အောင်မြင်အောင် ဟိုနည်းနည်း သည်နည်းနည်း လိုက်ကြိုးစား နေခဲ့ မိသည်မှာ ဆရာဝန် ဖြစ်ပြီး ၂၃နှစ် ကြာသွား ခဲ့သည်။
၂၀၀၈ ခုနှစ် ကတော့ တော်တော် ထူးခြားသည့် နှစ်ပါပဲ။
အဲသည့် ဆန္ဒတွေ အားလုံး ပြည့်သွားသည်။
တစ်ခု ပြီးမှ တစ်ခု မဟုတ်။ ၀ုန်းခနဲ ပြိုင်တူ လိုလို နီးပါး ပြည့်ဝ သွားတာပါ။
သည်တော့ အဲသည့် ရပ်ဝန်း သုံးခု စလုံးက ကျွန်တော့် အချိန်တွေကို တောင်းဆိုမှုတွေ များလာသည်။ တစ်ခုခု မှာ သို့မဟုတ် သုံးခု စလုံးမှာ အနည်း နှင့် အများ လစ်ဟင်းမှုတွေ ရှိလာ တော့မည်။

ရှေ့ခရီး ဘယ်လို ဆက်လျှောက် ရမည်မှာ မျှော်ကြည့်တိုင်း မှုန်ဝါးဝါး။

ကိုယ်ကလည်း ဘယ်ဘက်က မှ မလျော့ချင်။

ယူချင်တာ ယူသွားတော့ ဟု မိသားစု ဘ၀ ကလေး မိုးနတ်မင်း ဆီ အပ်ထား ခဲ့တာ ကြာပေါ့။

ဖြစ်ချင်ရာ ဖြစ်ဟု သဘောထား ကာ Wellness မဂ္ဂဇင်း တွင် တတိယမြောက် ၀တ္ထုရှည် `နေ၀င် အိပ်တန်းတက်´ ကို စလိုက်သည်။ ဘ၀မှာ နောက်ထပ် ဆရာဝန် ဘ၀ သရုပ်ဖော် ၀တ္ထုရှည် တစ်ပုဒ် ထပ်ရေးနိုင် မရေးနိုင် ဆိုတာ သေမှ မသေချာ တော့တာ။ `ကြိုးကြာ တောင်ပံ ခတ်သံ´က လူငယ် ဆရာဝန်တွေ အတွက်၊ `ဒေါက်တာ ရွှေသွေး နှင့် မပန်းဝတ်မှုံ´ က လူလတ်ပိုင်း ဆရာဝန်တွေ အတွက် ဆိုလျှင် `နေ၀င် အိပ်တန်းတက်´ ကတော့ အနားယူ ခါနီး နောက်ဆုံး ၁၀ စုနှစ်ကို ကိုယ့်ကိုယ် ကိုယ် ရောက်မှန်း မသိ ရောက်နေကြသော ဆရာဝန်ကြီးများ အတွက် ပေါ့။ ဒါပြီးလျှင် ကိုယ်လည်း ၅၀ ပြည့်ခါ နီးပြီ။ `နေ၀င် အိပ်တန်းတက်´ စာရင်းထဲ ပါတော့မည်။

အဲသည် ၀တ္ထုထဲက အဓိက ဇာတ်ကောင် ပညာတတ်၊ ကြေးရတတ် မလေး `မေကြာဖြူ´က ရှင်မဟာ သီလ၀ံသ ၏ `၀သုနြေ္ဒ၊ ဤမြေသော်လည်း၊ စောင့်စည်းမှုသား၊ ကျင့်သောအားဖြင့်၊ စကားသစ္စာ၊ မှန်သောခါကား၊ သြဇာလေးနက်၊ ပေါ်ဆီတက်၍၊ နွယ်မြက် သစ်ပင်၊ ဆေးဖက်ဝင်၏´ ဆိုသည့် စကားကို နှစ်ခြိုက်လွန်း သဖြင့် `ပေါ်ဆီတက်´ အမည်ဖြင့် ဂျာနယ် တစ်စောင် ထုတ်ဝေကာ ကဗျာကို ဂျာနယ် မျက်နှာဖုံးမှာ ဖော်ပြသည်ဟု ကျွန်တော် ရေးထားသည်။ တိုက်တိုက်ဆိုင်ဆိုင် Family အုပ်စုကလည်း `နွယ်မြက်သစ်ပင်´ ‘the Living Vine’ အမည်ဖြင့် အင်္ဂလိပ်ဘာသာ အဓိက မဂ္ဂဇင်းတစ်စောင် ထုတ်ဝေကာ အဲသည် ကဗျာကို အဖုံးမှာ သုံးထားသည်။ သူတို့က အကြံ ရတာ နည်းနည်း စောဟန် တူသည်။

ကိစ္စတော့ မရှိပါ။ ၀တ္ထုထဲ က ဇာတ်ကောင် နှင့် အကြံတူ တာပဲ။

အဲသည်လို မလုပ်နိုင်တော့မည့်၊ တိုးလိုး တန်းလန်း ဖြစ်သွားတော့မည့် ဟာတွေကို လိုက်စိတ်ပူနေခိုက်မှာ လက်ထဲမှာ တန်းလန်းကြီး ဖြစ်နေ တာက `စိန်တုံးကြီးများ အကြောင်း´ ပါပဲ။

နိဂုံးချုပ်တော့မှ ထင်သည်။

အသက် တစ်နှစ် မှ သုံးလေးနှစ် အရွယ် လက်လက်ထ နေသော စိန်တုံးကြီးများ အကြောင်းချည်း ရေးလာတာ ၁နှစ်ကျော် နေပြီ။

`မသက်´ တစ်ယောက် Perfect ကနေ Myanmar Art Centre ပန်းချီပြခန်း ဆီ စိတ်ရောက် နေတုန်း ခိုး ဇာတ်သိမ်းမှ။

မရေးရ သေးဘဲ ကျန်နေတာ ကတော့ အဲသည့် အရွယ်၏ ဖွံ့ဖြိုးရေး ဖြစ်စဉ်များ နှင့် စောင့်ကြည့် ရမည့် စိတ်ပူစရာ ကလေးများ ပါပဲ။ ဒါကလည်း Perfect အုပ်စု ရတနာသိုက် စာပေ နှင့် ကျွန်တော် ပွဲဦးထွက် လက်တွဲ ထုတ်ဝေ ခဲ့သည့် `ရင်သွေး ရတနာ ကလေးများ အတွက်´ မှာ အရွယ်တိုင်း အတွက် ဖော်ပြပြီး ဖြစ်နေလို့ပါပဲ။

နှစ်ထပ် ရှိချင် ကြသည် ဆိုလျှင်တော့ ဒီလ ပြန်ရှင်း ပါမည်။ သည်နေရာမှာ သဘောပေါက် စေချင်တာ တစ်ခုက ကျွန်တော်တို့ ကလေးဆရာဝန်တွေက သည်အရွယ်မှာ ဒါလုပ်တတ်ရမည်ဟု ပြောထားလျှင် မလုပ်နိုင်တိုင်း စိတ်ပူစရာမလိုပါ။ တစ်ယောက် နှင့် တစ်ယောက် ချွတ်စွတ် မတူနိုင်ပါ။ ဥပမာ လမ်းလျှောက်တာလေး တစ်ခုကို ကြည့်မည် ဆိုလျှင်တောင် ဆယ်လ ကတည်းက လမ်းလျှောက်တတ်သည့် ကလေး ရှိသလို ၊ ရောဂါကြောင့် ချို့ယွင်းချက်ကြောင့် မဟုတ်ပါဘဲ နှင့် ၁ နှစ်ခွဲ ကျော်မှ လမ်းစ လျှောက်သည့် ကလေးလည်း ရှိပါသည်။ ဘယ်ကလေး က ပို၍ ကျန်းမာသည်၊ ဘယ်ကလေး က ပို၍ ဥာဏ်ကောင်း လိမ့်မည် ဟုပင် သတ်မှတ် ၍ မရပါ။

ဖွံ့ဖြိုးမှု ဖြစ်စဉ်သည် တစ်ယောက် နှင့် တစ်ယောက် အကြမ်းဖျင်း ခြောက်လ လောက်တော့ အများဆုံး ကွာတတ် ပါသည်။

အသက်တစ်နှစ်အရွယ်

`ရပ်နိုင်ပေ့´၊ `ရပ်နိုင်ပေ့´ဆိုသည့် အရွယ်ပေါ့။

ခုံကလေးတွေ ကို ဆွဲ၍ ထတတ်ပြီ။ တစ်ခါ တစ်ရံ ကိုင်ထားတာလေးကို လွှတ်၍ ခဏမျှ တော့ သူ့ ခြေထောက်လေး နှစ်ချောင်း နှင့် ရပ်နိုင်မည်။ ကြာကြာတော့ မရ။

လမ်းလျှောက်တာ ကတော့ ခုံလေးတွေကို ကိုင်၍ လျှောက်သွားတာ လောက်ပဲ ရှိဦးမည်။

ပစ္စည်း သေးသေးလေးတွေ ကိုတော့ လက်ညှိုး၊ လက်မ နှင့် ညှပ်၍ သေသေ ချာချာ ကိုင်တတ်ပြီ။ ပေးသည့် ပစ္စည်းကို လည်း ပစ်ပစ်ချ တတ်သေးသည်။ လူကြီးက ကောက်ပေးလျှင်လည်း ချက်ချင်း ပြန်လွှတ် ပစ်တတ်သည်။ စိတ်မတို ပါနှင့်။ လေ့ကျင့် သင်ကြားမှု ဖြစ်စဉ် တစ်ရပ်သာ ဖြစ်ပါသည်။

သူ့နာမည်ခေါ်လျှင်လည်း လှည့်ကြည့်တတ်ပြီ။ `ဖေ´၊ `မေ´ စသဖြင့် စကားတစ်လုံး နှစ်လုံးလည်း စပြောတတ်ပြီ။

လိုချင်တာ လက်ညိုးထိုး တောင်းတတ်ပြီ။ ခွက်ထဲ က ရေကို သူ့ဘာသာ သူ မော့သောက် တတ်ပြီ။ လက်ခုပ်တီး တတ်ပြီ။ သူစိမ်း မြင်လျှင်လည်း သူစိမ်းမှန်း သိ၍ ကြောက်တတ်ပြီ။ တာ့တာ ပြတတ် ပြီ။

အသက်တစ်နှစ်ခွဲ

ထိုင်ခုံတွေ အပေါ်ဘက် တက်တတ်ပြီ။ တချို့ လမ်းစ လျှောက်တတ်ပြီး တချို့ဆို ပြေးတတ်ပြီ။ စာရွက် နှင့် ခဲတံ ပေးလိုက်လျှင် မျဉ်းကြောင်းလေး တွေ ကြောင်ခြစ် သလို ခြစ်နေပြီ။ စကားလုံး သုံးလုံးနှင့် အထက် နားလည် နေပြီ။ မျက်စိ ဘယ်မှာလဲ၊ နား ဘယ်မှာလဲ ပြတတ်အောင် သင်၍ ရပြီ။ ရှူးရှူး ပေါက်ချင်လျှင်၊ အီးအီး ပါချင်လျှင် အမူအရာ ပြတတ်ပြီ။ တစ်ချို့ ခိုင်းတာလေးတွေ နားလည်ပြီ။

အသက်နှစ်နှစ်

လှေကား ကို ခြေနှစ်ချောင်း တစ်ထစ်နှုန်း ဖြင့် တက်တတ်ပြီ။ စာရွက် ပေါ်မှာ ဒေါင်လိုက်မျဉ်းတွေ ဆွဲတတ်ပြီ။ စာအုပ်ပေးလျှင် စာရွက်တွေ စာရွက်ချင်း လှန်တတ်ပြီ။ သုံးလုံးတွဲ စကားလေးတွေ (ဥပမာ ရေးပေးပါ) ပြောတတ်ပြီ။ သူ့နာမည်ကို ခေါ်လျှင် သိနေပြီ။ အ၀တ်အစားတွေ သူ့ဘာသာ သူ ချွတ်တတ်ပြီ။

အသက် သုံးနှစ်

လှေကား ကို ခြေတစ်ချောင်း ချင်း တက်တတ်ပြီ။ သုံးဘီး စက်ဘီးလေး ပေးလျှင် စီးတတ်ပြီ။ စာရွက် ပေးလျှင်တော့ စက်ဝိုင်းပါ ဆွဲတတ်ပြီ။ အရောင်တူ စပ်ဟပ်တာ နှစ်ရောင် လောက်တော့ လုပ်နိုင် လာပြီ။ စကား လည်း ပုံမှန် ပြောတတ်ပြီ။ နာမည် အပြည့်အစုံ သိပြီ။ သူ့ကိုယ်သူ ယောက်ျားလေး၊ မိန်းကလေး သိနေပြီ။ နေ့ခင်းဘက် ရှူးရှူး ပေါက်မချတော့။

အသက် ငါးနှစ်

ခုန်တတ်ပြီ။ ဘောလုံး ဖမ်းတတ်ပြီ။ တြိဂံ ဆွဲတတ်ပြီ။ စကား ပြောတာ ချောနေပြီ။ အရောင်လေးမျိုး ခေါ်တတ်ပြီ။ သူငယ်ချင်း ရွေးပေါင်း တတ်ပြီ။ အကူအညီ ဖြင့် အ၀တ်အစား ၀တ်တတ်ပြီ။ ဒါလေးတွေ ပြောပြ ရတာက အဲသည့် အသက် အရွယ်မှာ အဲဒါလေးတွေ ဖြစ်လာလျှင် ရင်အေး နိုင်ရန် ဖြစ်သော်လည်း အဲသည့် အသက် အရွယ်မှာ အဲဒါ ဖြစ်မလာတိုင်း စိတ်ပူ စရာတော့ မလိုပါ။

နီးစပ်ရာ ကလေး အထူးကု ဆရာဝန် နှင့် တိုင်ပင် ကြည့်ပါဦး။ ပုံမှန် နောက်ကျတတ် သူများ အများကြီး ရှိပါသည်။ စိန်တုံးကြီးများ အကြောင်း နိဂုံးချုပ်သင့် မချုပ်သင့်တော့ စဉ်းစားလိုက် ပါဦးမည်။ ဘာများ ရေးစရာ ကျန်သေးလဲဟု မိဘများက သိချင်တာ ရှိလျှင်လည်း စာရေး မေးကြပါဦး။

စိန်တုံးကြီး တို့ ပုံမှန် ဖွံ့ဖြိုး တိုးတက်ကြပါစေ။

ဆန္ဒမွန်ဖြင့်

ဒေါက်တာရဲ(ကလေး အထူးကု ဆရာဝန်)

source : Perfect Magazine : Dr. Ye Myint Kyaw

ကလေး နို့တိုက်နည်း

Thet Nandar — Fri, 31 Jul 2009 09:17:43 +0000

မွေးပြီးခါစ ခလေးတွေ နို့ စို့ ပြီး ပါးစပ်နဲ့  နှာခေါင်းက နို့ တွေ ပြန်လျှံထွက်ပြီး ရုတ်တရက် အသက်ရှုရပ်ပြီးမျက်နှာနီရဲ လာရင် အရေးပေါ် ဘယ်လို လုပ်ပေးရ မလဲဆိုတာသိပါရစေရှင် အရေးတကြီး တောင်းဆိုပါတယ်ရှင်။

အဖြေ။

ကလေးတွေ မိခင်နို့ဖြစ်ဖြစ်၊ နို့ဗူးဖြစ်ဖြစ်စို့တာ။ လူကြီးတွေထမင်း (ခေါက်ဆွဲရော ဘာဂါရော ပါတယ်)စားတဲ့အခါ စားသောက်တာနဲ့အတူ လေကိုပါ မြိုချကြတယ်။ ဒါ့ကြောင့် အစာအိမ်ထဲကို လေတွေပါ ၀င်သွားတယ်။ လေက များရင်ဖြစ်ဖြစ်၊ စားနေရင်းနဲ့ စားပြီးစ ကိုယ်ခန္ဓာ အနေအထား အဆင်မသင့်ရင် လေထွက်ချင်တာနဲ့ အန်တတ်ပါတယ်။

မေးထားသလို ရုတ်တရက် အသက်ရှုရပ်ပြီး၊ မျက်နှာနီရဲလာရင်

အန်ဖတ်တွေ အသက်ရှူလမ်းထဲ မ၀င်အောင် ဂရူစိုက်ပါ။ ၀င်နေမယ် ထင်ရင် ရှင်းထုတ်ပြစ်ပါ။ ပြုစုသူက မပျာပါနဲ့။ စိတ်အေးအေးထားပြီး အသက်ပြန်ရှူနိုင်အောင် အနေအထား ပြုပြင်ပေးပါ။ လည်ပင်း ဆန့်နေပါစေ။ လိုအပ်ရင် အောက်ခံမာမာပေါ် သိပ်ထားလိုက်ပါ။ လိုအပ်သေးရင် လည်ပင်းအောက်က အနှီးတခုခု ခေါက်ပြီး ခံထားပေးပါ။ နောက်ထပ်လိုသေးရင် ကြမ်းမာမာပေါ်သိပ်ထားပြီး၊ ကလေးရဲ့မေးစေ့ကို အထက်ပင့်ထားပေးပါ။ အထက်ဆိုတာ ကလေးကို ပက်လက် သိပ်ထားတဲ့အနေအထားကနေ ပြောတာပါ။ အန်ချင်နေသေးရင် ခေါင်းကို တဖက်ဖက် စောင်းပေးရပါမယ်။

အဆိုးဆုံးဖြစ်သွားရင် CPR လုပ်နည်းကို သုံးရပါတော့မယ်။ ရင်ပတ်ကိုဖိပေးတာနဲ့ ပါးစပ်ကနေ လေမှုတ်သွင်းပေးတာကို ဆိုလိုတာပါ။ http://dts-medicaleducation.blogspot.com/search?q=CPR မှာ တင်ထားတာရှိပါတယ်။

ကာကွယ်ဘို့ကတော့

နို့တိုက်ပြီးတိုင်း လေထုတ်ပေးရပါမယ်။ ကလေးကို ပခုံးပေါ်မှာ ထောင်လျက်ကလေး အသာအယာထိန်းပေးထားပြီး၊ ကျောကလေးကို သပ်ပေးရတာပါ။ လေထွက်သွားရင် စိတ်ချရပါပြီ။

နို့ဗူးတိုက်သူများ နို့ဗူးထဲက နို့ကိုဘဲ ကလေးပါးစပ်ထဲ ၀င်ပါစေ။ လေမ၀င်ပါစေနဲ့။ နို့သီးခေါင်းထဲမှာ နို့သက်သက်သာ ရှိနေရမယ်။ လေမပါစေရပါ။ နို့ဗူးကို အောက်စိုက်ဘို့ပြောတာပါ။

တင့်ဆွေ

source : http://health.ngoinmyanmar.org/2009/07/blog-post_31.html

ကလေး ရေချိုးခြင်း

Thet Nandar — Thu, 30 Jul 2009 10:09:39 +0000

ကလေးကို တစ်နေ့ ကို ဘယ်နှကြိမ်မှ တစ်ခါ ရေချိုးပေးမယ်လို့ ပုံမှန်ရယ်လို့တော့ မရှိ။ ရာသီဥတု အေးလျှင် တစ်မျိုး၊ ပူလျှင် တစ်မျိုး တော့ရှိမည်.။ အညာမှာ တော့ လူကြီးတွေကအစ ရေကြောက်ကြတယ်။

ကလေးကို မွေးကတည်းက ခြောက်လသား အထိ ရေနှစ်ခါသာ ချိုးပေးဖူးသော မိဘ အကြောင်းကို ကျွန်တော် ဆောင်းပါး ထဲ ထည့်ရေးခဲ့ဖူးသည်။

ကလေးကို ရေမချိုးပေးသဖြင့် ကြေး(ဂျီး)ထူရာက အနာပေါက်၊ အနာပေါက်ရာက ကျောက်ကပ်ရောင်သည့် ကလေးတွေ တွေ့ရတာ များလွန်း သဖြင့် `ရေမချိုး လို့ မဖြစ်သည့် ရောဂါ´ အမည်ဖြင့် ကျောက်ကပ်ရောင် ရောဂါ အကြောင်း လည်း ရေးခဲ့ ဖူးသည်။

ရေချိုးသည့် နေရာမှာ ကလေး ဖျားလျှင် ရေချိုးလို့ ဖျားတာဟု သတ်မှတ် ပါက မိုးရွာတာ ဖားအော်လို့ ဆိုတာမျိုး ကြုံသလို အတင်းဆွဲ ဆက်စပ် ယူထားသည့် အခြေ အမြစ် မခိုင်လုံ ၊
သိပ္ပံနည်း မကျသော ကောက်ချက်သာ ဖြစ်လိမ့်မည် ဟုလည်း ကျွန်တော် ရေးခဲ့ ပါသည်။ ပူသည့် ရာသီ တစ်နေ့ တစ်ခါတော့ ချိုးပေါ့။ ဆော့ထားလို့ ချွေးတွေ သံတွေနှင့် ဖြစ်နေလျှင်လည်း ချွေးတိတ်အောင် ခဏ စောင့်ပြီး ထပ်ချိုးပေါ့။ အေးသည့် ရာသီကျတော့ ရေနွေးစပ်ချိုး၊ တစ်ရက်ခြားလောက် ချိုးပေါ့။

သေချာတာ ကတော့ အသက် တစ်နှစ်အောက် ကလေးထက် စာလျှင် စိန်တုံးကြီး အရွယ်က ပိုဆော့၊ ချွေးပိုထွက် သဖြင့် ရေပို ချိုးဖို့တော့ လိုလိမ့်မည်။

ရေချိုးလျှင် Baby Soap ဒါမှမဟုတ် Shampoo ခေါ် ကလေးသုံး ဆပ်ပြာတုံး ၊ ဆပ်ပြာကို လိုက်သုံး လျှင် ရမည်လားဟု မေးတတ် ကြသည်။ ပုံမှန် ကလေးများ အတွက် ကတော့ မိသားစုသုံး လူကြီး ဆပ်ပြာကို လိုက်သုံး လို့ ရပါသည်။ ကလေး ဆပ်ပြာများ၏ အဓိက ကောင်းသည့် အချက် ကတော့ မျက်လုံးထဲ မတော် တဆ ၀င်လျှင် မစပ်တာပါ။

နို့ပွေး၊ နှင်းခူ ထူသည့် ကလေး အတွက်တော့ Hypoallergic ခေါ် အမွှေး နံ့သာ မပါ၊ ဆိုးဆေး မပါ သည့် ဆပ်ပြာ ကို သုံးရပါမည်။ အဲဒါတွေကို Wellness မဂ္ဂဇင်းထဲမှာ `ပွေး မဟုတ်သော နို့ပွေး´ အမည်ဖြင့်လည်း ကျွန်တော် ဆောင်းပါး သက်သက် ရေးခဲ့ ဖူးပါသည်။

အနှီးလောင်တာ

အနှီး သို့မဟုတ် Diapper ခေါ် သေးခံ လောင်တာ တစ်နှစ်အောက် အရွယ် ကတည်းက ကြုံတွေ့ ခဲ့ရသည့် ပြဿနာပါ.။ တချို့ ကလေးတွေ စိန်တုံးကြီး အရွယ် အထိ သည်ပြဿနာ ဆက်တက် နေရ ပါသည်။

နေ့ခင်းမှာ ရှူးရှူးပေါက် မချတတ် တော့တာ အသက် နှစ်နှစ် ၊ ညမှာ ပါ ပေါက်မချ တတ်တော့သည့် အရွယ်က လေးနှစ်ပါ။ နေ့ပဲ ဖြစ်ဖြစ် ၊ ညပဲ ဖြစ်ဖြစ် အီးအီး ပါမချ တတ်တော့ တာက သုံးနှစ်ပါ။

ဒီ အရွယ် မတိုင်မီ က Diapper သေးခံ သုံးသုံး မသုံးသုံး ရှူးရှူး အီးအီး တို့နှင့် ကလေး

အသား ထိထိ နေသည့် ပြဿနာ ကတော့ ရှိနေဦးမှာ ပင်။ တချို့ ကလေးတွေ အတွက် အဲဒါက ဘာမှ မသိသာ ပေမဲ့ တချို့ ကလေးတွေ အတွက် ကတော့ အရေပြား တွေ လောင်တတ် ပါသည်။

ကျွန်တော်တို့ အသုံးများတာ ကတော့ ဇင့် အောက်ဆိုဒ် လိမ်းပေးပါ။ အနှီး သို့မဟုတ် Diapper သေးခံလဲ တိုင်း ကလေး အီးအီး ၊ ရှူးရှူး တို့နှင့် ထိတွေ့ နေကျ နေရာများကို လိမ်ပေးလျှင် သက်သာ ပါသည်။ ဗယ်ဆလင်း အဆီသည် လိမ်းပေးနိုင် သော်လည်း လောလောဆယ်မှာ တော့ ဇင့်အောက်ဆိုဒ် က တော်တော် ရှာရ လွယ်ပါသည်။

တစ်ခါ တစ်လေ မှာ အနှီး လောင်ထားတာ နီနီ ရဲရဲ အသားပြင်လေး က ပေါင်ခြံ အကွေး၊ ရှူးရှူး အီအီး မထိနိုင်သော နေရာ အထိ တစ်ဆက်တည်း လောင်နေသည့် အပြင် အနီပြင်၏ ဘေး ၊ အဆုံးနေရာ များတွင်ပါ သဲမှုန်လေးများ ကြဲပက်လိုက်သလို ဟိုတစ်စက် ဒီတစ်စက် အသားကောင်း နေရာများ အထိ ပျံ့နှံ့ နေပါက Candida ခေါ် မှိုပိုး တစ်မျိုးကြောင့် ဖြစ်နိုင်ပါသည်။ အဲသလို တွေ့လျှင် Clotrimazole ပါသော မှိုပိုး လိမ်းဆေး တစ်မျိုးမျိုး (ဈေးကွက် ထဲ တွင် နာမည် တော်တော် များများ ရှိပါသည်) ကို တစ်နေ့ နှစ်ခါ တစ်ပတ် ခန့် လိမ်းပေး ရပါသည်။

ရွှေပန်းထိပ် က အရေပြားလေး ဖြတ် ဖို့ လို မလို

မွေးကင်းစ ကလေး ဘ၀ ကတည်းက ဘာသာရေး အရ ဖြတ်သူတွေ လူမျိုး ဓလေ့ ထုံးစံ အရ ဖြစ်သူတွေ ရှိပါသည်။ ကျန်းမာရေး ရှုထောင့် က ကြည့်လျှင်လည်း အဲသည် အရေပြားလေး နှင့် အောက်က ဂျိုးထိပ်လေးကြား အိတ်လေးလို ဖြစ်နေသော နေရာလေးမှာ ဖြူဖြူ နှစ်နှစ် ရှူးရှူး ဂျိုး တွေ Smegma လာကပ် နေတတ်ပါသည်။ အဲဒါတွေ ရှိနေလျှင် ရေရှည် နှစ်ပေါင်း များစွာ ကြာသောအခါ သူ့ ကျန်းမာရေးရော၊ သူယူမည့် ဇနီး ကျန်းမာရေး ကိုပါ ထိခိုက် နိုင်ကြောင်း တော်တော် များများ သိကြသည်။

ဒီ နိုင်ငံမှာ တော့ ဒါ ပုံမှန် ဖြတ်နေကျ ကိစ္စတော့ မဟုတ်။ ကျွန်တော်တို့ ကလေး ဆရာဝန်တွေ ကလည်း အဲသည် ကိစ္စ လာတိုင်ပင်လျှင် သဘောပဲ ဟု ပြောလေ့ ရှိသည်။
ဆိုလိုတာက အရေပြား ဖြတ် မဖြတ်က အဓိက မကျ ။ သန့်ရှင်းဖို့က သာ အဓိကပါ။

သန့်ရှင်းချင်တော့ အရေပြားကို နောက်သို့ ဆွဲလှန်ပြီး အတွင်းပိုင်းကို ဆေးကြောရမည်။ ဆွဲကြည့်တော့ အရေပြားလေးက ပွင့်မလာ။ အကြောင်း က နှစ်ခု ရှိနေသည်။ တစ်ခုက အရေပြားထိပ် က အပေါက် လေး ကျဉ်းလွန်းနေသည်။ အဲဒါကို Phymosis ဟုခေါ်သည့် အပေါက် လေး ကျဉ်းလွန်း နေသဖြင့် ရှူးရှူးပေါက် ရာတွင်ပင် အခက် အခဲ ဖြစ်နေလျှင် မကောင်းပါ။ ဖြတ်သင့်သည်။ တစ်ခါ တစ်ရံ အပေါက်က မကျဉ်းသော်လည်း အရေပြား နှင့် အောက်က ဂျိုးလေးကြား မှာ အရွတ်တွေ ၊ အခင်တွေနှင့် တွဲနေ၍ ဖွင့်ရခက်တတ်သည်။ ဆွဲမဖွင့် လိုက်ပါနှင့် ။ ဖွင့်လိုက်လျှင် အရေပြားလေးက နောက် ပြန်လန် သွားပြီး ဂျိုးထိပ်လေး ၏ အရင်း ကို သားရေကွင်း စွပ်သလို ချည်မိသွားပါက ဂျိုးတံထိပ်လေးကို သွေးမစီးနိုင် ဖြစ်ပြီး အရေးပေါ် ခွဲစိတ်ရတတ်ပါသည်။ Paraphymosis ဟုခေါ် သည်။ အဲဒါက Phymosis ထက် ပို၍ အရေးကြီးသည်။

များသော အားဖြင့်တော့ အဲသည့် အရွတ်တွေ၊ အခင်တွေက ကလေး အသက် ငါးနှစ်လောက်မှာ အားပျော့သွားပြီး အရေပြားလေးက ဖွင့်၍ ရသွားတတ်ပါသည်။ အဲသည်အခါကျမှ တစ်ပတ်ကို နှစ်ခါ သုံးခါ လောက်ဆေးပေးပါ။ ဆေးပြီးလျှင် အရေပြားကို ပြန်ဆွဲချ ဖုံးပေးခဲ့ပါ။ နောက်မှာ လှန်မထားခဲ့ပါနဲ့။ လူပျိုဘော် ၀င်နေ လျှင်တော့ ကလေးက သူ့ဟာ သူ နေ့စဉ် ဆေးရ ပါမည်။ အဲဒါ ကို သင်ပေးပါ။

ငါးနှစ်အောက်မှာ အရေပြားက သူ့ဟာသူ ပွင့်မလာခင် မှာတော့ အတင်းဆွဲ မဖွင့် လိုက်ပါနဲ့။ စောစောက ပြောသည့် Paraphymosis ဖြစ်တတ် ပါသည်။ အဲသည် အရွယ်မှာတော့ ရှူးရှူးဂျိုး (Smegma) ဟာ သူ့ဟာသူ ထွက်လာ တတ်ပါတယ်။ အဲသည့် အခါ အရေပြား ထိပ်မှာ ဖြူဖြူ အနှစ်လေးတွေ တွေ့ရ၍ မိဘတွေ စိတ်ပူ တတ်ကြ ပြန်သည်။ အဲဒါ ကတော့ ပုံမှန် ပါပဲ။

အဲလို အရေပြားလေး တွေ နီုမြန်း၍ ရောင်နေလျှင် Paraphymosis မှာ ရေနွေး(ကြက်သီးနွေးလောက်) လေး ထဲမှာ ကလေးကို စိမ်ထိုင်စေပြီး ရှေ့သို့ ပြန်ဆွဲ ကြည့်နိုင် ပါသည်။ မရလျှင် ဆရာဝန်ဆီ ပြပါ။

တော်တော် အမေး များသည့် မေးခွန်း တွေပါ။

ဒီ ကိစ္စကို အရင် ဆောင်းပါးတွေ မှာလည်း ကျွန်တော် မရေးခဲ့ စဖူး။ တိုက်ဆိုင် ၍ အရင် စိန်တုံးကြီးများ အကြောင်းထဲမှာ လာရေးပြ တာပါ။ သည့်ပြင် အရွယ်တွေ အတွက်လည်း အသုံးတည့် နိုင်ပါသည်။

စိန်တုံးကြီးများ အကြောင်းလည်း ပြည့်စုံ သလောက် တော့ ရှိလာပြီ။ ဘွဲ့ကြို ကျောင်းသား ဘ၀ ကတည်းက `သွား´ အကြောင်း မသင်ခဲ့ ရသော ဒေါက်တာရဲ စိန်တုံးကြီးများ ၏ သွားပြဿနာ အကြောင်း ဆက်ရေးသင့် မရေးသင့် အလုပ် နည်းနည်းပါးတော့ နဖူးပေါ် လက်တင် စဉ်းစားလိုက် ပါဦး မည်။

စိန်တုံးကြီး တို့ ကျန်းမာ သက်ရှည် ရောဂါ ကင်းကြ ပါစေ။
ဆန္ဒမွန်ဖြင့်
ဒေါက်တာရဲ(ကလေး အထူးကု ဆရာဝန်)

ရင်ကျပ် ပန်းနာ

Thet Nandar — Tue, 28 Jul 2009 13:29:46 +0000

ရင်ကျပ်ပန်းနာ ဆိုလိုက်တာနှင့် 	  ဒီတစ်ခေါက် မကွေး ပြန်ရောက်တော့ ပါမောက္ခ၊ ဌာနမှူး အဆင့်မို့ အလုပ်ပိုများလာသည်။ မိသားစုရှိရာ ရန်ကုန်သို့ ခဏခဏ မပြန်ဖြစ်။ ရန်ကုန်က ဆေးခန်းကိုလည်း သူငယ်ချင်းနှင့် ထားခဲ့ရသည်။ အဲဒီ သူငယ်ချင်းက ဘွဲ့အားလုံးနီးနီး ကျွန်တော်နဲ့အတူတူ ရခဲ့ပြီး အသက်တောင် ၁၃ရက်တည်း ငယ်သည့် တန်းတူအဆင့် ဆရာဝန်ကြီးပါ။ စိတ်ရှည်တဲ့ နေရာမှာ ကိုယ့်ထက် သာသေးသည်။

ဟိုတစ်လောက ရန်ကုန် ခဏပြန်ရင်း ဆေးခန်းတစ်ရက် ပြန်ထိုင်တော့ လူနာရှင် မိဘတစ်ဦးက သူ့ကလေး ပန်းနာရင်ကျပ် ချောင်းဆိုးတာ သူငယ်ချင်း ဆေးပေးတာ မပျောက်ဟု ဆိုကာ ကျွန်တော့်ကို ပြန်လာပြသည်။ သူငယ်ချင်း တိုက်ထားသည့် ဆေးကို ကြည့်လိုက်တော့ ကျွန်တော်လည်း တိုက်ချင်သည့် ဆေးပါပဲ။ ဘယ်နှရက် တိုက်ပြီးပြီလဲဟု မေးကြည့်တော့ အံ့သြစရာ။ လုံးဝ မတိုက်ရသေးပါတဲ့။ ဘာဖြစ်လို့ မတိုက်တာလဲဟု မေးတော့ ဆရာ့ သူငယ်ချင်းက ကျွန်မကလေးကို ပန်းနာရှိတယ်လို့ ပြောတယ်။ ပြီးတော့ ဆေးအပြင်းတွေ တိုက်တာကိုးဟု ဖြေသည်။ ကျွန်တော်လည်း ရင်ကျပ် ရှိတယ်လို့ ပြောဖူးတာပဲ။ အဲဒီဆေး တိုက်ဖူးတာပဲဟု စာအုပ်ကို နောက်ပြန် လှန်ရှာပြီး ပြောတော့မှ အံ့သြရသည်။

အင်္ဂလိပ်စကားက Asthma ပန်းနာဟု ဘာသာပြန်ပြန် ရင်ကျပ်ဟု ဘာသာပြန်ပြန်၊ လေပြွန်လေးတွေ ကျဉ်းကျဉ်းသွား၍ ချောင်းဆိုးပြီး မောနေတတ်သည်ဟု အဓိပ္ပာယ်ရသည်။

အဲသည် နာမည်ကလေး တပ်ရုံနှင့်တော့ ပြူးပြူးပြာပြာ မဖြစ်သင့်ကြဟု ကျွန်တော်ထင်သည်။ ဆေးပြင်းသည် ဆိုသည့်စကား ဘာမှ အဓိပ္ပာယ် မရှိကြောင်း ကျွန်တော် ခဏခဏ ရေးဖူးပါသည်။ ဆေးမတိုက်ဘဲ ထားတော့ ရောဂါကရော အန္တရာယ် မရှိတာ ကျနေတာပဲ။

ကျွန်တော်က ဖြည့်ပြောပြတတ်တာလေး တစ်ခုပါပဲ။

ဒီရောဂါ ဖြစ်သည့်အချိန်မှာ ဆေးပေးလည်း ခဏသာ ယခုတစ်ခေါက်သာ သက်သာမည်။ ပြန်ဖြစ်တတ်သည်။ ဘယ်လောက်တစ်ခါ ပြန်ဖြစ်သည် ဆိုတာက တစ်ယောက်နှင့် တစ်ယောက် မတူ။ တစ်နှစ်မှာ တစ်ခါလောက် ဖြစ်တတ်သည့် ကလေးကတော့ ဖြစ်လာလျှင် ဆေးသောက် လုံလောက်သည်။ တစ်လတစ်ခါ ဖြစ်နေလျှင်တော့ ကာကွယ်ဆေးတွေ မှန်မှန်ရှူဖို့ လိုမည်။ လူကြီး ရင်ကျပ်ရောဂါနှင့် မတူတာကတော့ ကလေး ရင်ကျပ်ပန်းနာ ဝေဒနာရှင် ထက်ဝက်ခန့်က လူကြီးဘ၀အထိ ပါမသွား။ ကြီးလျှင် ပျောက်သွားမည်ဟု အဲသလို ပြောပြလျှင် လက်ခံကြတာ များသည်။

ကဲ… ဘာပဲဖြစ်ဖြစ်။

ရေးဖူးတာ များနေပြီးသား သည်ပန်းနာရင်ကျပ်ရောဂါ ကလေးအကြောင်း မပြောရသေးတာ တချို့တော့ ဖြည့်စွက်ရတော့မည် ထင်မိ၏။

ကလေးတွေဘာကြောင့် ရင်ခဏခဏကျပ်

အာဂန္တု ရောဂါတွေလည်း ရှိသည်။ တစ်ခါကျပ်ပြီး နောက်ပြန်မကျပ်တော့တာမျိုး။ များသောအားဖြင့် အသက် နှစ်နှစ်အောက် စိန်တုံးကြီးများ အရွယ်မှာ တွေ့ရတတ်တယ်။

ခဏခဏ ပြန်ကျပ်နေရင်တော့ ပန်းနာရင်ကျပ်ကို စဉ်းစားရမည်။ ဒါမျိုး မျိုးရိုးလည်း လိုက်တော့လိုက်သည်။ ကူးစက်ရောဂါတော့ မဟုတ်။

ရင်ကျပ်သည့် ကလေးကို ကျပ်စေသည့် အရာတွေကတော့

(၁) ဗိုင်းရပ်ပိုးဝင်ခြင်း

(၂) ဓာတ်မတည့်ခြင်း

(၃) ရာသီဥတု

(၄) လေ့ကျင့်ခန်းနှင့်

(၅) စိတ်လှုပ်ရှားခြင်း တို့ကြောင့်ဖြစ်သည်။

ကျပ်လာလျှင် ကလေးက ချောင်းဆိုးမည်။ မောမည်။ ရင်ဘတ်အောက်နှင့် နံရိုးကြားတို့ ချိုင့်ဝင်ပြီး အသက်ရှူရမည်။ တစ်ခါတစ်လေ တရွှီရွှီ အသံကို ကြားရမည်။ မောတာ သိပ်ဆိုးလာလျှင် စကားတစ်ကြောင်းပြည့်အောင် မနားဘဲ မပြောနိုင်တော့။ အဲသည်အဆင့်က အရေးကြီးသည်။

ရင်ကျပ်ပန်းနာမှန်း ဘယ်လိုသိ

တစ်ခါကျပ်တိုင်းတော့ ရင်ကျပ်ပန်းနာဟု မသတ်မှတ်။ ပေးသည့် ဆေးကတော့ အဲသည် ရင်ကျပ်ပန်းနာ ပျောက်ဆေးတွေ ပါပဲ။ အဲဒါတွေနှင့် သက်သာ၊ မသက်သာ စောင့်ကြည့်ရမည်။

နှစ်ခါကျပ်လျှင် နည်းနည်း သတိထားတော့။ ဆေးကတော့ သည်ဆေးတွေပါပဲ။

သုံးခါကျပ်လျှင်၊ ပြီးတော့ တစ်ခြား အကြောင်းရင်း ရှာမရလျှင်တော့ ဆရာဝန်က ရင်ကျပ်ပန်းနာဟု သတ်မှတ်တော့မည်။ ဘာမှမလိုပါ။ နားကြပ် တစ်ချောင်းနှင့် သတ်မှတ်နိုင်ပါသည်။

ဆရာဝန်ကိုလည်း စိတ်မဆိုးပါနှင့်။ ကု၍ မပျောက်သော ရောဂါကြီးဟု ပြောတာမဟုတ်ပါ။ ကြီးလာလျှင် ပျောက်မှာပါ။ သို့သော် ကြီးလာလျှင် ပျောက်မပျောက်က ငယ်စဉ်မှာ ထိရောက်သော ကာကွယ်စောင့်ရှောက်မှုများ စောစောစီးစီး လုပ်လာခဲ့ပါသလား၊ မလုပ်ခဲ့ဖူးလား အပေါ်မှာ တည်မှီ နေပါသည်။ ဒါကြောင့် စောစော စကုချင်လို့ သတ်မှတ်တာပါ။

တန်ဆေးလွန်ဘေးတဲ့။

ကုသမှုကလည်း ဘေးထွက် ဆိုးကျိုးတော့ ရှိတာအမှန်ပင်။ သို့သော် ရောဂါကလည်း လွှတ်ထားလို့မရ။ သည်တော့ လူနာကို မှန်မှန် ပြန်ခေါ်ကြည့်၍ ဆေးကိုလိုတိုး ပိုလျှော့ ချိန်ဆရသည်။ အဲဒါကို step-up နဲ့ step-down လုပ်သည်ဟု ခေါ်သည်။

ဘယ်လို ကုသမှာလဲ

ဆေးက နှစ်မျိုး၊ နှစ်အုပ်စု ရှိသည်။

ဖြစ်လာလျှင် ရင်ကျပ်လျှင် ပေးထားသော ဆေးအမျိုးအစားနှင့် မကျပ်အောင် ကြိုတင်၍ ပေးထားသော ကာကွယ်ဆေး အမျိုးအစားတို့ဖြစ်သည်။ ကျပ်လာလျှင်ပေးသော ဆေးများကို သောက်ဆေးလည်း တိုက်၍ ရသည်။ ရှူဆေးလည်း ရှိသည်။ ရှူဆေးက ပိုကောင်းသည်။ ရှူဆေးက ပိုကောင်း၍ ပိုဘေးကင်းသည်။ သို့သော် ဈေးပိုကြီးသည်။ ကလေးအငယ်များတွင် မရှူတတ်မှာ စိုး၍ အလယ်က ပလတ်စတစ် ပြောင်းတစ်ခု ခံရသေးသည်။ အဲသည်ပြောင်းက ပို၍ ဈေးကြီးသေးသည်။ ပြီးတော့ စနစ်တကျ ရှူတတ်အောင် လေ့ကျင့်ပေးရသည်။ သိပ်ကျပ်သည့် အချိန်မှာတော့ Nebulizer ခေါ် ရေနွေးငွေ့ စက်ငယ်ဖြင့် မှုတ်ပေးရသည်။ ထိရောက်မှုအား ကောင်းသော်လည်း ဆေးပမာဏက ရှူဆေး ရိုးရိုးထက် ၁၀ဆခန့်များသည်။ နည်းနည်း ကျပ်ရုံမျှဖြင့်တော့ မသုံးသင့်။

ကာကွယ်ဆေးတွေကတော့ ရှူဆေးချည်း သက်သက် လိုပါပဲ။ ဟိုတုန်းက Ketasma ခေါ် သောက်ဆေးတစ်မျိုး ပေါ်ဖူးသည်။ အန္တရာယ် သိပ်မရှိသဖြင့် ကျွန်တော်တို့ ယခုထက်ထိ သုံးနေကြတုန်းပါပဲ။ Montelukast ကတော့ ယခုမှပေါ်လာသည်။ နိုင်ငံခြားမှာတော့ လက်ခံကြပြီ။ သည်မှာတော့ ယခုမှ စမ်းသပ်ဆဲ ဖြစ်သည်။

ခဏခဏမကျပ်အောင်

ဆေးနှင့် ကာကွယ်ရတာ များမှာစိုးလျှင် ကျပ်စေသည့် အကြောင်းတရားများကို ရှောင်ရမည်။ ဒါကလည်း အမြဲတော့ မဖြစ်နိုင်ပါ။ နိုင်သလောက်တော့ လုပ်သင့်သည်။

(က) ဓာတ်မတည့်ခြင်း နည်းစေဖို့ ဖုန်မှုန့်၊ ၀တ်မှုန်၊ ပန်းမှုန် လေထဲမှာ များသည့် အချိန်မျိုးတွင် ပြတင်းတံခါးများ ပိတ်ထးပါ။ ကြောင်တွေ၊ ခွေးတွေ ကလေး အနားမှာ မထားပါနှင့်။ အိမ်ထဲမှာ မြင်ရသော၊ မမြင်နိုင်သော ပိုးမွှား၊ မှိုအစရှိသည့်တို့ အားလုံး ကင်းစင်အောင် ရှင်းလင်းထားပါ။

(ခ) ဗိုင်းရပ်ပိုးမ၀င်စေဖို့ ကလေး၊ လူကြီးအားလုံး လက်မှန်မှန်ဆေးပါ။ တုပ်ကွေးအဖြစ် များနေချိန်တွင် လူထူထူရှိရာ ခေါ်မသွားပါနှင့်။

(ဂ) လေ့ကျင့်ခန်း လေ့ကျင့်ခန်း ပြင်းပြင်းထန်ထန် လုပ်မိပါက ကျပ်တတ်သော ကလေးမျိုး ရှိပါသည်။ ထိုကလေးများအတွက် လေ့ကျင့်ခန်း လုပ်ခါနီး ကြိုပေးရသော ဆေးတချို့လည်း ရှိပါသည်။ ရှာ၍ ဆောင်ထားပါ။

(ဃ) အိမ်တွင်းက အငွေ့တချို့ စီးကရက် မီးခိုးက ပိုဆိုးပါသည်။ လူကြီးက ကလေးအနားမှာ မသောက်တောင် သောက်တတ်သည့် လူကြီးကိုယ်မှာ စွဲနေသည့် အငွေ့ကြောင့် ကလေးက မကြာခဏ ရင်ကျပ်တတ်ရုံသာမက နားပြည်ပါ ယိုတတ်သည်။ ကလေး ရှိလျှင်တော့ ထိုကလေး ရင်ကျပ်ပန်းနာ ရှိရှိမရှိရှိ ဆေးလိပ် ဖြတ်ပစ်သင့်ပါသည်။ ဆက်သောက်နေသော မိဘကို ဘာအမည် တပ်၍ ဆူပူ ကြိမ်းမောင်းရမှန်း ကျွန်တော် စဉ်းစား၍ပင် မရပါ။ ရေမွှေး၊ ပေါင်ဒါနှင့် ငါးကြော်သည့် အနံ့များကြောင့်လည်း ဖြစ်တတ်ပါသေးသည်။

(င) အကောင်ပလောင်တွေ ပိုးဟပ်ကို ရင်ကျပ်ရောဂါ၏ နံပါတ်တစ် တရားခံဟု တွေ့ထားကြသည့် သုတေသနတွေလည်း ရှိသည်။ ပိုးဟပ်ကကျသည့် သွားရည်နှင့် မစင်ကို မတည့်သူတွေ တော်တော်များသည်။ House dust mite ဟုခေါ်သော သာမန်မျက်စိနှင့် မမြင်ရသည့် အင်းဆက် တစ်မျိုးကလည်း တော်တော်ဆိုးသည်။ သူက လူ့အရေပြားက ထွက်ကျသည့် အစအနလေးများကို စား၍ နေတတ်သည့် အကောင်တစ်မျိုးပါ။ အိပ်ရာခင်း၊ ခန်းဆီး၊ ကော်ဇော၊ မွေးပွရုပ် အစရှိသည်တို့မှာ နေတတ်ပါသည်။

(စ) မှို စွတ်စို ထိုင်းမှိုင်းသည့် အိမ်တွင်း၊ အိမ်ပြင် နေရာများတွင် ရှိနေတတ်သော မှိုများသည်လည်း ရင်ကျပ်စေပါသည်။

(ဆ) တိရစ္ဆာန် ခွေးတွေ ကြောင်တွေကြောင့် ရင်ကျပ်တတ်သော ကလေးတွေလည်း ရှိပါသည်။

ကောင်းတာကတော့ အောက်က အချက်လေးတွေကို လိုက်နာပါ။

၁။ ထမင်းစားခန်းနဲ့ မီးဖိုချောင်မှာပဲ အစားအစာ စားကြပါ။

၂။ ရေခဲသေတ္တာထဲ ထည့်ရန် မလိုသော အစားစာများကို လုံခြုံ တင်းကြပ်စွာ ဖုံးအုပ်ထားပါ။

၃။ အမှိုက်နေ့စဉ်စွန့်ပစ်ပါ။

၎။ စားပွဲ၊ ဗီရို၊ ကောင်တာများ မှန်မှန်သန့်စင်ပါ။

၅။ နံရံ အက်ကြောင်း ကွဲကြောင်းများ မှန်မှန်ပြုပြင်ပါ။

၆။ သစ်သား ကြမ်းပြင်များကို အ၀တ်စိုဖြင့် မှန်မှန်သုတ်ပါ။ (ပိုးသတ်ဆေးအချို့ တည့်နိုင်ပါသည်။)

၇။ ဖုန်မှုန့်များ အ၀တ်စိုဖြင့် မှန်မှန်သုတ်ပါ။

၈။ ကော်ဇောကို ဖုန်စုပ်စက်ဖြင့် မှန်မှန်စုပ်ပေးပါ။ မလုပ်နိုင်လျှင် ကော်ဇော မထားပါနှင့်။

၉။ အိပ်ရာခင်း၊ ခေါင်းအုံးစွပ်၊ စောင်များ မှန်မှန်ပြုတ်လျှော်ပါ။

၁၀။ အမှုန် ခိုအောင်းနိုင်သော ပစ္စည်းများ ရှင်းပစ်ပါ။ (မွေးပွအရုပ်၊ ဆုတံဆိပ်… စသည်) ရေဆေး၍ ရသော အရုပ်များသာ ၀ယ်ပေး၍ မှန်မှန် ဆေးကြောပါ။

၁၁။ အိမ်ကို တတ်နိုင်သလောက် ခြောက်သွေ့စေပါ။(နေရောင် ၀င်ပါစေ)

၁၂။ ဆေးလိပ် မသောက်ပါနှင့်။ (မိဘ ဆေးလိပ်သောက်လျှင် ရင်ကျပ် မဖြစ်သေးသော ကလေးပင်လျှင် ရင်ကျပ်ပန်းနာ ဖြစ်ရန် အခွင့်အလမ်း နှစ်ဆ ရှိပါသည်)

၁၃။ တိရစ္ဆာန်များနှင့် ကလေး တစ်နေရာတည်း မနေရပါ။ တစ်လှည့်စီလည်း မနေရပါ။ ကလေးနေနေကျ နေရာကို တိရစ္ဆာန်မလာစေရပါ။

၁၄။ နိုင်ငံခြားမှာတော့ အမှုန်အမွှား မကပ်နိုင်အောင် ဖုံးအုပ် ကာကွယ်သော အစွပ်များ၊ ရင်ကျပ်ပန်းနာ ရောဂါသည် ကလေးရှိသော အိမ်များအတွက် သီးခြား ဒီဇိုင်းလုပ် ထုတ်လုပ်သည်ဟု ကြားဖူးသည်။ ဒီမှာတော့ မတွေ့သေးပါ။ စိန်တုံးကြီးတို့ ရင်ကျပ်ပန်းနာဘေး ကင်းဝေးကြပါစေ။

ဒေါက်တာရဲ(ကလေးအထူးကုဆရာဝန်)

source : Perfect Magazine

တွတ်ပီ

Thet Nandar — Mon, 06 Jul 2009 16:51:50 +0000

ဝိညာဉ်သစ် ၀ပ်ဆိုဒ်မှ သွားယူလာသည်။ တွတ်ပီကာတွန်း ဖတ်ရတာ သဘောကျလို့လေ ….

Acer keyboard locked

Thet Nandar — Thu, 14 May 2009 08:13:28 +0000

Acer Laptop Key board မှာ ရိုက်လိုက်တိုင်း U – 4,I – 5, O – 6, P -,J – 1,K – 2, L – 3, etc … number တွေ ပေါ်နေလို့ laptop keyboard မသုံးဖြစ်တော့ပဲ ရိုးရိုး ubs key board ပဲ သုံးနေတာ ကြာပီ။ ဒီနေ့တော့ google မှာ ရှာကြည့်အုံးမှ ဆိုပီး ရှာကြည့်လိုက်တာ။ ကိုယ်လိုမျိုး ဖြစ်နေတဲ့ လူက help.com မှာ မေးထားတာ သွားတွေ့လိုက်တော့ တော်တော် အဆင်ပြေသွားတယ်။ thank you ပါ google ရယ်။

lap top key board က Fn key & F11 @ Num Lk ကို တပြိုင်နက် နှိပ်ပီး သုံးလိုက်ရင် စောပိုင်းက number တွေ မပေါ်တော့ပဲ J K L ပြန်ပေါ်လာတယ်။

ဖြစ်ရမယ်လေ။ အဲဒီရက်ပိုင်းတွေက သားသား toddler online game ကို ဆော့တော့ press any key ဆိုတော့ ကီးဘုတ်ကို တဖြန်းဖြန်းနဲ့ ချတော့တာပေါ့။ အဲဒီမှာ lock ကျသွားတာ နေမှာ။ ကူညီပေးခဲ့တဲ့ web site link က ဒီနေရာမှာ ….

ခံယူချက်

Thet Nandar — Sun, 10 May 2009 12:15:00 +0000

Fwd Mail ထဲက သိမ်းထားချင်တဲ့ မှတ်ဖွယ်ရာရာလေးတွေပါလို့ သိမ်းထားလိုက်ပြန်ပါပီ။ ဘယ်သူရေးထားတယ်ဆိုတာ မပါလို့ ဘယ်သူမှန်းကို မသိပါဘူး။

၁) သံပရာပင်

သစ်ပင်တစ်ပင်ရှေ့ ကိုယ်အမြဲဖြတ်တယ်။ အဲဒီသစ်ပင်မှာ တစ်ခြားသစ်ပင်လိုပဲ
စိမ်းစိုတဲ့ သစ်ရွက်တွေရှိတယ်။ ပန်းပွင့်တွေရှိတယ်။ အဲဒီသစ်ပင်က ကိုယ့်အတွက်
ဘာမှမထူးခြားလို့ သတိမထားခဲ့မိဘူး။ ဒါပေမယ့် တစ်ရက်မှာ အဲဒီသစ်ပင်ရှေ့
ကိုယ်ရုတ်တရက် ရပ်လိုက်မိတယ်။ မရည်ရွယ်ဘဲ အပင်ပေါ်က အရွက်တစ်ရွက်ကို ဆိတ်ပြီး
ချေမွကြည့်တယ်။ တခဏအတွင်း သင်းပျံ့တဲ့ ရနံ့တစ်ခု လေထဲ လွင့်ဝဲလာခဲ့တယ်။
မွှေးကြိုင်တဲ့ရနံ့ကို
ကိုယ်ရှုရှိုက်မိပြီး ဒီသစ်ပင်ဟာ သံပရာ(ရှောက်)ပင် ဆိုတာ ကိုယ်သိလိုက်တယ်။
ကိုယ့်ပတ်ဝန်းကျင်လေထုမှာ
သံပရာရနံ့က သင်းပျံ့မွှေးကြိုင်နေခဲ့တယ်။ နောင်နောက် သစ်ပင်ရှေ့ ကိုယ်ဖြတ်တိုင်း
အဲဒီသစ်ပင်က အရင်ကလို ကိုယ့်အတွက် အဓိပ္ပါယ်မဲ့ မနေခဲ့တော့ဘူး။

သံပရာပင်ကို ချည်းကပ်သလိုမျိုး အရင်က ကိုယ်တကယ် မသိ၊ နားမလည်ခဲ့တဲ့
သူငယ်ချင်းတွေကို ချည်းကပ်ပါ။ သူတို့ဆီကနေ မွှေးကြိုင်တဲ့ရနံ့တွေ
ထွက်လာနိုင်ပြီး ကိုယ်တို့ကြားမှာ လွင့်ဝဲနိုင်ပါလိမ့်မယ်။

(၂) ကော်ဖီ

မနက်အိပ်ရာထတိုင်း ကော်ဖီခါးခါးတစ်ခွက်က ကိုယ့်အတွက် မရှိမဖြစ်ပါ။ ကော်ဖီတွေ
လည်ချောင်းတစ်လျှောက် စီးဆင်းသွားမှ ကိုယ့်ဦးနှောက်တွေ ကြည်လင်လာတယ်။

ကော်ဖီသောက်သလိုပဲ…..
ခါးသီးတဲ့ အတွေ့အကြုံ၊ အခက်အခဲတွေနဲ့ ကြုံခဲ့ဖူးမှ ကိုယ့်အတွေးတွေ
ကြည်လင်လာနိုင်တယ်။ အမှားအမှန် ခွဲခြားလာနိုင်တယ်။ စိတ်ထိခိုက်
နာကျင်ခံစားဖူးမှ ကြံ့ခိုင်မှုကို သင်ယူနိုင်တယ်။ ဒါကြောင့်
ထိခိုက်နာကျင်ခဲ့သမျှကို အထက်တန်း ကော်ဖီမှုန့်လို့ သတ်မှတ်ပြီး
စဉ်းစားဆင်ခြေဥာဏ်ဆိုတဲ့ ရေပူပူထဲ ထည့်ဖျော်လိုက်ပါ။ အဲဒီကော်ဖီခါးနဲ့
ကိုယ့်ဦးနှောက်၊ ကိုယ့်အတွေးအိမ်ကို ကြည်လင်ပါစေ။

(၃) ရေမွှေး

ကိုယ်ဟာ ရေမွှေးတစ်ပုလင်း ဆိုပါစို့။ ဘယ်လိုရေမွှေးနံ့မျိုး ဖြစ်ချင်သလဲ?
ခပ်သင်းသင်းရနံ?
လတ်ဆတ်ကြည်လင်တဲ့ ရနံ့?
စွဲမက်ငြိတွယ်တဲ့ရနံ့?
ဒါမှမဟုတ် စူးရှတဲ့ရနံ့?
ဘယ်လိုရနံ့မျိုးကို ကိုယ်ကြိုက်သလဲ? ကိုယ်ကိုယ်တိုင် ဖော်စပ်သူ လုပ်နိုင်ပါတယ်။
သိမ်မွေ့နူးညံ့တဲ့ ရနံ့ထဲ ရွတ်နောက်နောက် ရနံ့ရောထည့်မလား?
ပေါ့ပေါ့ပါးပါးရနံ့ကို နေ့လယ်သုံးပြီး လျှို့ဝှက်တဲ့ရနံ့ကို ညမှာသုံးမလား?

လူ့ဘဝကလည်း ရေမွှေးပုလင်းလိုပဲ..
ရေမွှေးရဲ့ ထူးခြားချက်က ဖော်စပ်သူရဲ့ လက်ထဲမှာရှိသလို ကိုယ့်ရဲ့ အကျင့်စရိုက်က
ကိုယ့်လက်ထဲမှာပဲ ရှိတယ်။ ဒါကြောင့် ကိုယ့်ရဲ့စိတ်သဘောထားတွေကို လူတွေအပေါ်
လတ်ဆတ်ကြည်လင်၊ စွဲမက်အောင် ကောင်းကောင်းဖော်စပ် (ပြုပြင်)သင့်တယ်။
လူတွေနှစ်သက်တဲ့
ရေမွှေးတစ်ပုလင်းဖြစ်အောင် နေထိုင်သင့်တယ်။

(၄) ခေါင်းလျှော်

သည်းသည်းမည်းမည်း ရွာတဲ့ဒီမိုးကြောင့် အချိန်အတော် လင့်ခဲ့ရတယ်။
အဝတ်အစားတွေလည်း မခြောက်သေးဘူး။ စိတ်လည်း စိုထိုင်းလို့….

လာ…. စိတ်လန်းဆန်းတဲ့ နည်းတစ်ခု ပြောပြမယ်….

ရေနွေးတစ်ဇလုံထည့်ပြီး ခေါင်းလျှော်ပါ။ ခေါင်းထဲက စိတ်မချမ်းမြေ့စရာတွေကို
အဖြူရောင် အမြုပ်ဖြစ်အောင် လျှော်ဖွပ်လိုက်ပါ။ ပြီးတော့ ရေနွေးနဲ့
ဆေးချလိုက်ပါ။ စိတ်ကို ကပ်ကပ်စီးစီးဖြစ်စေတဲ့ အရာတွေ ရေတွေကတစ်ဆင့်၊ ရေမြောင်း၊
ရေချောင်းထဲ စီးဆင်းသွားပါစေ… အဲဒီနောက် ပြတင်းပေါက်ဘေးမှာ ထိုင်ပြီး
သန့်သန့်ရှင်းရှင်း ဖြစ်သွားပြီဖြစ်တဲ့ ခေါင်းကို ဖြီးလိုက်ပါ။
ခေါင်းသားကနေတစ်ဆင့်
ဦးနှောက်ထဲက အတွေးတွေပါ သန့်ရှင်းကြည်လင်သွားပြီ ဖြစ်ကြောင့်
သင်ခံစားမိလိမ့်မယ်။

(၅) ရေနွေးကြမ်း

အဲဒီရေနွေးကြမ်းတစ်ခွက်က မသောက်ဘဲ ကြာကြာထားလို့ အေးသွားခဲ့ပြီ။ အေးစက်တဲ့
ရေနွေးကြမ်းမှာ မွှေးကြိုင်တဲ့ လက်ဖက်ခြောက်နံ့ မရှိတော့ဘူး။ ရေနွေးအိုး
သံချေးနံ့ပဲ ရတော့တယ်။ အဲဒီလို အေးစက်တဲ့ ရေနွေးကြမ်းတစ်ခွက်ကို
ကိုယ်သောက်ချင်တော့မှာ မဟုတ်ဘူး။

အဲဒီလိုပဲ အသည်းနှလုံးတစ်ခု ကြာကြာလျှစ်လျှူရှူခံရရင် တဖြေးဖြေး
အေးစက်သွားတတ်တယ်။ အေးစက်တဲ့ နှလုံးသားတစ်ခု ပြန်နွေးထွေးဖို့က ခက်တယ်။
ပြန်နွေးထွေးခဲ့သည်ထားဦး အရင်ကလိုကြင်နာတဲ့ နှလုံးသားတစ်ခု မဟုတ်တော့ဘူး။

အေးစက်သွားတဲ့ အခြေအနေ၊ ဆက်ဆံမှုတစ်ခု နဂိုအတိုင်း ပြန်ဖြစ်ဖို့
လုပ်လို့ရနိုင်မလား?

ပြန်ဖြစ်ချင်ရင် အသစ်ကနေပဲ ပြန်စလို့ ရနိုင်တော့မယ်။ စိတ်သဘောထားအသစ်၊
အကျင့်စရိုက်အသစ်နဲ့ နှစ်ဦးကြားက ဆက်ဆံမှုအသစ်တစ်ခုကို စတင်ရလိမ့်မယ်။ ဒါပေမယ့်
သူ့နှလုံးသားကို ကိုင်လှုပ်နိုင်၊ မလှုပ်နိုင် မသေချာလှဘူး။

အေးစက်တဲ့ ရေနွေးကြမ်းတစ်အိုးလုံးကို သွန်ပြီး .. .. အသစ်ထပ်လဲလိုက်သလိုပေါ့။

(၆) မေ့လျော့

တစ်ခါတလေ မေ့လျော့တာက ကိုယ်ကို ပျော်ရွှင်ခြင်းတွေ သယ်ဆောင်လာပေးတယ်။

ဘယ်အချိန်မှာ သယ်ဆောင်ပေးနိုင်သလဲ?

တစ်ယောက်ယောက်က ကိုယ့်ကို ထိခိုက်နာကျင်အောင် လုပ်တဲ့အချိန်..
အဲဒီနာကျင်ခြင်းတွေကို မေ့ထားလိုက်ပါ။ ကိုယ့်ကို ထိခိုက်နာကျင်အောင် လုပ်သူက
ကိုယ့်ကို မလိုမုန်းထားလို့ဖြစ်တယ်။ အဲဒီထိခိုက်တာကို စိတ်ထဲထားပြီး
တမြေ့မြေ့ခံစားနေတာက ကိုယ့်ကိုကိုယ် နှိပ်စက်နေတာဖြစ်တယ်။ သူက
ကိုယ့်ကိုထိခိုက်နာကျင်အောင် လုပ်ခဲ့ပြီပဲ ဘာဖြစ်လို့ အဲဒီနာကျင်တာကို
စိတ်ထဲထားပြီး သူကိုယ့်အပေါ် ပြုမှုခဲ့တာကို တသသနဲ့ ခံစားနေဦးမလဲ!

ဒါကြောင့် မှတ်ဥာဏ်မကောင်းသူက တစ်ခြားလူထက် ပိုပျော်ရွှင်ကြသလို
လူများတွန်းတိုင်းလဲသူ မဟုတ်ခဲ့ဘူး။

(၇) ကြည့်မှန်

ကြည့်မှန်က ကိုယ်နဲ့ မိတ်ဆွေသူငယ်ချင်းလား? ရန်သူလား?

မှန်ကိုကြည့်တဲ့အချိန် ကိုယ့်ကို ချစ်စရာကောင်းတယ်လို့ ထင်လား?
ရွံ့မုန်းစရာကောင်းတယ်လို့ ထင်လား? မှန်တစ်ချပ်ကို ယူပြီး သေချာကြည့်ပါ။
ပြီးတော့ ကိုယ့်ရဲ့အလှဆုံးအပြုံးကို ပြုံးပြီး မှန်ထဲကအရိပ်ကို “နင်အရမ်းလှတယ်၊
နင်ယုံကြည်မှုရှိတယ်။ စိတ်မပူပါနဲ့… အရာအားလုံးကို ဒီနေ့မှာ အဆင်ပြေပြေ
ကျော်ဖြတ်မယ်” လို့ ပြောပါ။
တကယ်ပဲ.. ကိုယ့်ကိုယ်ကို နှစ်သက်ရင် ဘယ်အရာမှ ခက်ခဲတယ်ဆိုတာ မရှိပါဘူး။

** Fwd Mail
** Pic From Google

ကလေးကျန်းမာရေးစာစောင်

Thet Nandar — Sat, 09 May 2009 00:18:21 +0000

အသက် ၆ လအထိမဖြစ်မနေမိခင်နို့တိုက်ပါ . . .

ယနေ့အချိန်တွင်ကလေးငယ်များအား ၆ လအထိ မိခင်နို့တစ်မျိုးတည်းသာတိုက်ကျွေးရန် ကျန်းမာရေးဝန်ထမ်းများက တိုက်တွန်းလျက်ရှိသည်။ မိခင်နို့ရည်တိုက်ကျွေးခြင်းသည် အကျိုးထူး ၇ ရပ်ကိုရရှိစေနိုင်မည်ဖြစ်သည်။

(၁) ပဋိဇီဝပစ္စည်းများ

ပဋိဇီဝပစ္စည်းများသည် ခန္ဓာကိုယ်အတွက်လက်နက်အင်အားများဖြစ်ကြသည်။ မိခင်နို့ရည်တွင်ပဋိဇီဝပစ္စည်းများ (အင်တီဘော်ဒီများ Antibodies) အများအပြားပါဝင်သည်။ ကလေးငယ်အတွက်ခုခံစွမ်းအားစနစ်ကိုကောင်းမွန်စေပြီး ရောဂါများစွာကိုကာကွယ်ပေးနိုင်မည်ဖြစ်သည်။

(၂) သံယောဇဉ်ကြိုး

မိခင်နို့ရည်ကိုတိုက်ကျွေးခြင်းသည် မိခင်နှင့်ကလေးငယ်ကြားသံယောဇဉ်ကြိုးကိုခိုင်မြဲစေသည်။ စိတ်ပိုင်းဆိုင်ရာရင်းနှီးမှုကိုဖြစ်ပေါ်စေပါသည်။

(၃) လွယ်ကူအဆင်ပြေခြင်း

မိခင်နို့ရည်သည်အချိန်အခါမရွေး အလွယ်တကူတိုက်ကျွေးနိုင်သည်။ အလုပ်မများ၊ အချိန်မကုန်၊ လူမပင်ပန်းဘဲရရှိနိုင်သည်။ တိုက်ကျွေးရာတွင်အကောင်းဆုံး၊ အသင့်တော်ဆုံးအနေအထားရှိနေသည်။

(၄) အစာချေလွယ်ခြင်း

ကလေးငယ်၏အစာလမ်းကြောင်းသည် မိခင်နို့ရည်တွင်ပါသောအစာအဟာရများကို အလွယ်တကူ ချေဖျက်စုပ်ယူနိုင်စွမ်းရှိသည်။

(၅) ဉာဏ်ရည်ပိုမိုကောင်းမွန်စေခြင်း

ကလေးငယ်များသည်မိခင်နို့ရည်သောက်သုံးခြင်းဖြင့် ဦးနှောက်ဖွံ့ဖြိုးမှုကိုကောင်းစေပြီး ဉာဏ်ရည် ဖွံ့ဖြိုးမှုကိုအားပေးပါသည်။

(၆) ငွေကြေးသက်သာခြင်း

မိခင်နို့ရည်သည်ငွေကြေးကုန်စရာမလိုဘဲ တိုက်ကျွေးနိုင်သည့်ကလေးငယ်အတွက် အကောင်းဆုံး အာဟာရဖြစ်ပါသည်။

(၇) မိခင်၏အလှအပ

နို့တိုက်မိခင်များသည်သားသမီးမွေးဖွားပြီးနောက် မူလအချိုးအစားကျနလှပါသော ကိုယ်ခန္ဓာကို ပြန်လည်ရရှိနိုင်မည်ဖြစ်သည်။

Ref: Family Health (No-98)
အိ (ဆေး – ၁)

သားသားလားမီးမီးလားခွဲခြားယုံကြည်ချက် ၉ ချက် . . .

၁။ အာထရာဆောင်း ရိုက်ပြီး သားသားလား၊ မီးမီးလားဆိုတာကို ခွဲခြားလေ့ရှိပါတယ်။ ကိုယ်ဝန် ( ၁၈ – ၂၀ )ပတ်တွင်ကျားမလိင်အင်္ဂါံကြည့်၍
ခွဲခြားသော်လည်းရာနှုန်းပြည့်မှန်ကန်မှုတော့မရှိပါ။

၂။ အာထရာဆောင်းရိုက်ပေးသူသည်အထူးသဖြင့် သားသားလေး၏ကျားလိင်အင်္ဂါံကိုကြည့်ကာ အဓိကဆုံးဖြတ်ပေးကြပေမယ့်သန္ဓေသားအနေ
အထားပြောင်းလဲသွားတဲ့ အခါမျိုးမှာ ဆုံးဖြတ်ချက် မှားယွင်းနိုင်ပါတယ်။

၃။ မာမီတို့ကိုယ်ဝန်ရှိစဉ်မှာ စိတ်ပြောင်းစိတ်လွဲများပြားနေရင် မီးမီးလေးဖြစ်ဖို့များပါတယ်။

၎။ မာမီတို့ရဲ့ဗိုက်ကလုံးနေမယ်ဆိုရင် မီးမီးလေးဖြစ်နိုင်ပြီး၊ ချွန်နေမယ်ဆိုရင်သားသားလေးဖြစ်နိုင်ပါတယ်။

၅။ ကိုယ်ဝန်ရှိစဉ်မှာမာမီတို့ရဲ့ မျက်နှာမှာပြည့်လာပြီးဖောင်းအစ်နေမယ်ဆိုရင် မီးမီးလေးဖြစ်မယ်။

၆။ အကယ်၍သန္ဓေသားနှလုံးခုန်သံ မြန်ခဲ့လျှင်မီးမီးလေးဖြစ်ပြီးနှေးခဲ့လျှင်သားသားဖြစ်နိုင်တယ်လို့ ဆိုကြပေမယ့်ဒါကသိပ်ပြီးမှန်ကန် တိကျမှုမရှိ
ပါဘူး။
၇။ ရှေးရိုးဇွန်းနဲ့ခက်ရင်း ယုံကြည်မှုတစ်ခုရှိပါတယ်။ ဇွန်းနဲ့ခက်ရင်းကိုနေရာတစ်နေရာစီမှာခွဲထားပါ။ ကိုယ်ဝန်နဲ့မာမီကခက်ရင်းကိုအရင်ဦးဆုံး
ကိုင်မယ်ဆိုရင်မာမီ့ဗိုက်ထဲမှာ သားသားလေးဖြစ်နိုင်တယ်။

၈။ မာမီ့ရဲ့လော့ကတ်ပါဆွဲကြိုးကို လွှဲယမ်းခိုင်းပါကအရှေ့နောက်ကိုသာ လွှဲယမ်းနေမယ်ဆိုရင်သားသားလေးဖြစ်ပြီး စက်ဝိုင်းသဏ္ဍာန်ဝှေ့ယမ်း
နေခဲ့ရင်မီးမီးလေးဖြစ်မယ်။

၉။ နောက်တစ်ခုကတော့ Drano ရဲ့ လှည့်စားမှုတစ်ရပ်ဖြစ်ပါတယ်။ ကိုယ်ဝန်ဆောင်မာမီ့ကို ဆီးခံခွက်နဲ့ဆီးသွားခိုင်းပါ။ ယင်းခွက်ထဲကို Drano
တစ်ဇွန်းထည့်လိုက်ပါ။ အပြာရောင်ပြောင်းရင် သားသားလေး ဖြစ်ပြီး ပန်းရောင်ပြောင်းသွားရင် မီးမီးလေးဖြစ်ပါတယ်။

ဒီအချက်တွေဟာအားလုံးမှန်ကန်တယ်လို့ ယူဆလို့မရဘူး။ ပျော်ရွှင်စွာရယ်ပွဲဖွဲ့ပြီးမှစမ်းသပ်ကြတာပါ။ မြန်မာလူမျိုးတွေမှာလည်း
ယူဆမှုရှိတယ်။ တစ်ချို့ဆိုရင် သစ်ရွက်ခူးခိုင်းပြီး အညှာပါရင် ယောက်ျားလေးယူဆပြီး၊ မကျည်းစေ့ သြဇာစေ့လေးတွေ ရေတွက်ခိုင်းပါက စုံဖြစ်
လျှင်သားသား၊ မဖြစ်လျှင် မီးမီးလေးလု့ ယူဆထားပါတယ်။ ကိုယ်ဝန်ဆောင် မိခင်တစ်ယောက်အလှတွေပြင်နုပျိုလှပလာရင် မီးမီးလေး၊ ရုပ်ရည်
ကြမ်းတမ်းလာလျှင် သားသားလေးလို့ယူဆတာမျိုးလည်းရှိကြပါတယ်။ ကိုယ်ဝန်ဆောင်စဉ် သစ်သီးတွေချဉ်ခြင်းတပ်တဲ့အခါမှာ ယောက်ျားလေး
လို့ ဆိုကြပါတယ်။ ကဲ မာမီတို့လည်းအပျော်သဘောထားပြီး စမ်းသပ်ကြည့်ကြပါလား။

မြင်းမိုရ်ချမ်းမြေ့ Ref:Preg. & Birth Future Health

သားသမီးကလေးများရဲ့ စိတ်နေသဘောထား . . .

အိမ်ထောင်တစ်ခုတွင်သားသမီးများဟာ တစ်ဦးတည်းသောသား၊ သားဦး၊ အထွေးဆုံး၊ အလတ် စသဖြင့်ရှိရာ သူတို့တစ်ဦးနှင့်တစ်ဦး
စိတ်နေသဘောထားခြင်း မတူညီတတ်ကြပါ။ သူတို့ရဲ့စိတ်နေသဘောထား ကွဲပြားကြပုံကိုဖော်ပြရသော် . . .

(က) တစ်ဦးတည်းသော သား၊သမီး
တစ်ဦးတည်းသောသားမှာ အပြိုင်အဆိုင်မရှိတဲ့အတွက်ပြီးပြည့်စုံ ပြိုင်ဘက်မရှိဟု မိမိဘာသာစိတ်ကျေနပ်မှု ရှိသော်လည်း၊ တစ်ကိုယ်
ကောင်းဆန်တတ်ပါတယ်။ တစ်ဦးတည်းသောသမီးတွေကတော့ ဖခင်ရဲ့အရည်အခြင်းတွေကို အားကျပြီးယှဉ်ပြိုင်လိုစိတ်ရှိကာထင်ပေါ်ကျော်ကြား
လိုကြပါတယ်။
(ခ) သားကြီး၊ သမီးကြီး
သားကြီး၊ သမီးကြီးတွေဟာ သြဇာပေးတတ်တဲ့သူတွေဖြစ်ပါတယ်။ သမီးကြီးတွေမှာ စေ့စပ်သေချာသူဖြစ်ပြီး အငယ်တွေအပေါ်မှာမိခင်
သဖွယ်စောင့်ရှောက်တတ်သူတွေဖြစ်ပါတယ်။ မွေးချင်းထဲမှာ မိန်းကလေးတွေမပါတဲ့ သားကြီးဖြစ်သူတွေက သမီးကြီးတွေလုပ်တတ်တဲ့ အလုပ်ကို
မလုပ်နိုင်ဘဲမိန်းမတွေနဲ့တွေ့လျှင် ရှက်တတ်သူတွေဖြစ်ပါတယ်။
(ဂ) သားထွေး၊ သမီးထွေး
သူတို့ဟာ မိဘတွေကဲ့သို့အခြားမွေးချင်းတွေ အပေါ်မှာပြုမူနိုင်သူတွေမဟုတ်ပါ။ သားထွေးယောက်ျားလေးတွေက မိသားစုဝင်တွေမှာ ပိုမို
နွဲ့နှောင်းချွဲတတ်ပြီး ကြိုးစားလိုစိတ်မရှိ၊ ရေသာခိုစိတ်သာရှိ၍ အရာရာအပေါ်မှာ အသေးစိတ် စိတ်မ၀င်စားတတ်သူတွေ ဖြစ်ပါတယ်။ သမီးထွေး
တွေကတော့ ပိုမိုအမှီအခိုကင်းလိုကြသော်လည်း သူတို့ကို အုပ်ထိန်းမှုပေးရန်လိုအပ်ပါတယ်။ သူတို့ဟာ အမျိုးသမီးစိတ်ပိုရှိသော်လည်းအလို
လိုက်ခံရ၍ ပျက်စီးလွယ်တတ်သူတွေ ဖြစ်ပါတယ်။
( ယ) အလယ်အလတ်ကလေးများ
အလတ်တွေဟာ အရာရာကို ကျယ်ကျယ်ပြန့်ပြန့် စိတ်ဝင်စားတတ်ပြီး ဆန့်ကျင်ဘက်လိင်တွေအကြား ထင်ပေါ်ကျော်ကြားလိုသူတွေ
ဖြစ်ပါတယ်။ သို့သော် အများတကာ ဂရုစိုက်မှုခံရအောင်ယှဉ်ပြိုင်ကြရင်း ယောက်ျားလေးသားလတ်တွေဟာ နိမ့်ကျတဲ့စိတ်ကို ခံစားရပြီးသမီး
လတ်တွေအဖို့ လိုချင်မှုတွေများလာတတ်ပါတယ်။

ဘာသာပြန် – KMH – 86 Health Digest Vol-3, No-20

ငိုနေတဲ့ကလေး တိတ်သွားအောင် ဘယ်လိုချော့မလဲ . . .

အကယ်၍ နို့စို့ကလေးတစ်ယောက်ငိုပါက သူ့ကိုအငိုတိတ်သွားအောင် ဘယ်လိုချော့မလဲ၊ ကလေးတွေက လူကြီးတွေကို သူတို့လိုချင်တာကို ပြောမပြတတ်တာမို့၊ ငိုနေတဲ့ကလေးတစ်ယောက် တိတ်သွားအောင်လုပ်ဖို့ဆိုတာ လွယ်မလိုနဲ့ခက်နေတတ်ပါတယ်။ သို့သော်လည်းအကြမ်းဖျင်းအားဖြင့် ငိုနေတဲ့ကလေးတွေဟာ အသံ ဒါမှမဟုတ် ခန္ဓာကိုယ်ကို ပွတ်တိုက်ပုတ်ပေးခြင်းကို နှစ်သက်တတ်ပါတယ်။ ဒါကြောင့်-
(၁) ကလေးငယ်ကို လက်နဲ့ပွေ့ချီပြီး လက်လွှဲလှုပ်ပေးပြီး ချော့မြှူပါ။ ဒါမှမဟုတ် ပုခက်ထဲထည့် ပြီးလွှဲပေးကာ ချော့မြှူပါ။
(၂) ကလေးငယ်ကို ပွေ့ချီထားပြီး လမ်းလျှောက်ပါ။ ဒါမှမဟုတ် စည်းချက်ဝါးချက်ညီညီကပါ။ ဒါမှ ကလေးငယ်ဟာ သူ့အမေ ၀မ်းဗိုက်
သားအိမ်ထဲမှာနေခဲ့ရစဉ်က သားအိမ်အတွင်း ရေမြွှာအရည်တွေအကြား ငြိမ့်ငြိမ့်ကလေးနေခဲ့ရတာကို ပြန်လည်အမှတ်ရကာ အငိုတိတ်သွားမှာ ဖြစ်ပါတယ်။
(၃) လက်ထဲမှာပွေ့ချီထားပြီး ဒါမှမဟုတ် ပုခက်ထဲမှာထည့်ထားပြီး တင်ပါးကလေးကိုလက်နှင့် ပုတ်ကာ ချော့မြှူပါ။
(၄) ကလေးအား ပုခက်တွန်းလှည်းထဲ ထည့်ထားပြီး သူ့ဘေးမှ ပတ်ပတ်လည် လမ်းလျှောက်ပြီး ချော့မြှူပါ။
(၅) ကားပေါ်တင်၍ ကားတစ်ပတ်စီးပြီး ချော့ပါ။ ဒါမှမဟုတ် ပုခက်တွန်းလှည်းထဲ ထည့်ပြီး တစ်ပတ်လောက် လမ်းလျှောက် တွန်းပေးလိုက်ပါ။
(၆) သာယာငြိမ့်ညောင်းတဲ့ သီချင်းဂီတသံကို ညင်ညင်သာသာ ဖွင့်ပေးထားပါ။
(၇) သီချင်းဖွင့်မပေးနိုင်ပါက ကိုယ်တိုင်သီချင်းဆို၍ ချော့သိပ်ပါ။
(၈) ဘေးပတ်ဝန်းကျင်မှ ဆူညံသောအသံများနှင့် တတ်နိုင်သလောက် ဝေးဝေးထားပါ။

Ref: Health Digest.4/49, K

ကောင်းကောင်း အိပ်ပျော်စေဖို့…

Thet Nandar — Sat, 09 May 2009 00:08:23 +0000

သင့်ကလေးကို အိပ်ပျော်သွားအောင် သိပ်ရတာဟာ သင့်အတွက် ခက်ခဲနေပါသလား။ ဒါဆိုရင် ဒီနည်းလမ်းလေးတွေကို စမ်းသပ်ကြည့်ပါ။

* ကလေးကို ပုံမှန်အိပ်ချိန် သတ်မှတ်ပေးထားပါ။ သတ်မှတ်ထားတဲ့အချိန် ရောက်ရင်ကလေးဟာ အိပ်ချိန်ရောက်ပြီဆိုတာ သိနေပါစေ။
* ညစာစားပြီး အိပ်ရာမ၀င်ခင် အဆာပြေမုန့်တစ်ခုခု ကျွေးချင်ကျွေးလို့ရပါတယ်။ ပြီးရင် သွားတိုက်ပေးပါ။
* အိပ်ရာဝင် ပုံပြင်ပြောပြတာဟာ ကလေးရဲ့စိတ်ကို သက်သောင့်သက်သာဖြစ်စေပြီး အိပ်ပျော်သွားဖို့ အထောက်အကူပေးပါတယ်။
* သင့်ကလေး အိပ်ချိန်ရောက်ပြီဆိုရင် သူ့အခန်းကို တိတ်ဆိတ်ပြီး မှောင်နေပါစေ။ ပြီးရင် ကလေးကို အခန်းထဲမှာထားခဲ့ပါ။
* ညသန်းခေါင်ကလေးနိုးလာတဲ့ အချိန်တိုင်း ကလေးအခန်းကို မသွားပါနဲ့။ ကလေးကတော့ သင့်ကို သူ့ဆီလာစေချင်မှာပါ။ တစ်ယောက်တည်းလည်း အိပ်ချင်မှာ မဟုတ်ပါဘူး။ ဒါပေမဲ့ သူ့ကို ပုံမှန်အိပ်စက်တဲ့ အလေ့အကျင့်ရစေဖို့ ဒီလိုပဲ သတိထားပြီး လုပ်ဆောင်ရမှာဖြစ်ပါတယ်။

Ref: SSMN, Good Health No.87

နည်းနည်းကြီးလာသော ကလေးများကို အိပ်ပျော်အောင် သိပ်နည်း

(၁) ကလေးငယ်ကို အိပ်ရာထဲ ထည့်မသိပ်ခင် ကလေးငယ်စိတ်ကို ပျော်ရွှင်လန်းဆန်းနိုင်သလောက် ပျော်ရွှင်စွာနေပါစေ။
(၂) ကလေးငယ်ကို အိပ်ရာထဲ ထည့်မသိပ်ခင် မိခင်နို့ (သို့) နို့ဘူးဖျော်တိုက်ပါ။
(၃) ကလေးငယ်အကျင့်ရသွားစေရန် ညစဉ်ညတိုင်း ပုံမှန်ပြုလုပ်နေကျတွေကို အမြဲပုံမှန်ပြုလုပ်ပြီးမှ သိပ်ပါ။ ပုံမှန်အမြဲချော့မြှူခြင်း၊ ဆော့ကစားစေခြင်း၊ ကိုယ်လက်သန့်ရှင်းရေးပြုလုပ်ပေးခြင်း၊ သီချင်းဆို ချော့မြှူခြင်း၊ ပုံပြောပြခြင်း၊ နှုတ်ဆက်စကားပြောခြင်း စတာတွေကို ပုံမှန်ပြုလုပ်နေကျအတိုင်း ပြုလုပ် ပြီးမှ သိပ်ပါ။ ကလေးငယ်ကို အိပ်ခန်းထဲမှာ တစ်ယောက်တည်းပစ်ထားပြီး မသိပ်သင့်ပါ။
(၄) သူကြိုက်နှစ်သက်ပြီး သက်သောင့်သက်သာဖြစ်စေတဲ့အရာတွေကို အိပ်ရာဘေးထားပေးပါ။ ဥပမာ- အိပ်ပျော်နေခိုက် ရင်ဘတ်ကို စောင်နဲ့ ဖိထားပေးခြင်း၊ ဒါမှမဟုတ် နို့စို့လွန်သူဖြစ်ပါက ချိုလိမ်၊ လက်မတစ်ခုခုပေးစို့ ထားပေးလိုက်ပါ။

K, Health Digest – Vol.4, No.49

ကလေး ကျန်းမာရေး ပညာပေး

Thet Nandar — Fri, 08 May 2009 22:33:37 +0000

ကလေးမျက်စိ ကျန်းမာရေး အစဉ်ဂရုစိုက်စောင့်ကြည့်ရန်လိုအပ်

မျက်စိကျန်းမာရေး သုတေသီက ကလေးသူငယ်တို့၏ မျက်စိကျန်းမာရေးကို အစဉ်အမြဲဂရုစိုက်စောင့်ကြည့်ရန် လိုအပ်သည်ဟုဆိုပါသည်။အဘယ့်ကြောင့်ဆိုသော် ကလေးသူငယ်တို့သည် ရုပ်ပုံ၊ စာအုပ်၊ ရှုမျှော်ခင်းစသည် တို့ကိုကြည့်ရှုသောအခါ၌ ၄င်း၏မျက်စိသည်ရှေ့တည့်တည့်ကြည့်ပါသလား၊ စွေစွေစောင်းစောင်း ကြည့်ပါ သလား၊သို့မဟုတ် မျက်စိကိုမှေး၍ကြည့်ပါသလားစသည်တို့ကို အကဲခတ်လေ့လာရန်လိုပါသည်။ ယင်းသို့ မူမမှန်သော ပြုမူမှုတစ်ခုခု တွေ့ရှိရပါက ရောဂါကိုမွေးမထားဘဲ၊ ရောဂါကိုပစ်မထားဘဲ မျက်စိအထူးကု ဆရာဝန်နှင့် ပြသ၊ကုသမှုခံယူသင့်ပါသည်။သို့မဟုတ်ဘဲ လျစ်လျူရှုထားခဲ့လျှင် မျက်စိအခြေအနေ ပိုမိုဆိုးဝါး သွားပြီး မျက်စိကန်းတတ်၊မျက်စိအလင်း ကွယ်တတ်သည်ဟုဆိုပါသည်။

ကေတီအောင်သိန်း (ရန်ကုန်တက္ကသိုလ်)

ငြိမ်ငြိမ်နေတတ်သော ကလေးများအား အားကစားလှုပ်ရှားမှု အားပေးပါ။

မိမိမွေးဖွားထားသော သားသမီးများထဲတွင် ကစားလွန်း၊ဆော့လွန်းသော ကလေးများရှိသကဲ့သို့ မကစားလို၊မဆော့လို ငြိမ်ငြိမ်နေတတ်သော ကလေးများရှိတတ်ပါသည်။ သုတေသီက ထိုငြိမ်ငြိမ်နေတတ်သော ကလေးများကို ပစ်မထားဘဲ ငြိမ်ငြိမ်နေပြီး စာချည်းကုန်းဖတ်နေလျှင် ကျန်းမာရေးထိခိုက်တတ်သည်ဖြစ်၍ ကလေးများအားကစား လှုပ်ရှားချင်လာအောင် အားပေးရပါမည်။ လိုအပ်လျှင် မိဘအုပ်ထိန်းသူများအဖို့ ကလေးများနှင့်အတူ ဆော့ကစားခြင်း၊ အားကစားလှုပ်ရှားခြင်းပြုလုပ်ပေးရန် အရေးကြီးပါသည်။ ကလေးအသက် ၃နှစ်အရွယ်မှစ၍ ကွန်ဖူးတစ်မျိုးမျိုး သင်ကြားပေးသင့်သည်ဟု ကလေးကျန်းမာရေး သုတေသီက ဆိုပါသည်။

ကေတီအောင်သိန်း(ရန်ကုန်တက္ကသိုလ်)
Ref: C.S.T (Singapore), 14.7.08

ကလေးများအတွက်လည်း ဆားသုံးစွဲခြင်းသည် မကောင်းပါ။

လွန်ခဲ့သော အနှစ်၂၀ခန့်ကပင် ကလေးများတွင် သွေးတိုးခြင်းသည် နှစ်ဆပိုလာကြောင်းနှင့်ဤသို့ဖြစ်ရခြင်းမှာ ဆားများစွာသုံးစွဲမှုတို့ကြောင့် ဖြစ်ကြောင်းသိရပါသည်။
မကြာမီက လေ့လာပြုလုပ်မှုတစ်ခုအရကလေးများတွင် ဆားသုံးစွဲမှုလျှော့ချလိုက်ခြင်းဖြင့် သွေးဖိအားကို လျော့ကျသွားစေကာ နောင်တစ်ချိန်တွင် နှလုံးရောဂါဖြစ်ပွားစေမှုနှုန်း လျှော့ချစေနိုင်သည်ဟု မှပြောကြားခဲ့ပါသည်။
အသင့်စား အစားအစာသည်အဓိကအကြောင်းရင်းဖြစ်သော်လည်း ယခုအခါ ဆားပမာဏအနည်းငယ်သာပါသော ထုတ်ကုန်များကို ရှာဝယ်ရန် လွယ်ကူသွားပြီဖြစ်သည်။ ၆နှစ်အရွယ်ကလေးတစ်ဦးသည် တစ်နေ့လျှင် ဆား၃ဂရမ်ထက်ပိုမစားသုံးသင့်ကြောင်း တွေ့ရပါသည်။
ထို့ကြောင့် ထမင်းတစ်နပ်အတွက် ဆားသုံးစွဲမှုပမာဏကို ၁ဂရမ်အထိကန့်သတ်ပြီးဟင်းချက်ရာတွင် ဆားထည့်ခြင်းအလေ့ကို ရှောင်ကြဉ်သင့်ကြောင်း သိရပါသည်။

မိဆု
Ref: Reader’s Digest, Feb 2008.

သင့်ကလေးကို ခဏတဖြုတ် အနားပေးပါ။

ကျောင်းပိတ်ရက်ရှည် အားလပ်ရက်များမှာ မိဘများကသူတို့ရဲ့ မူကြိုနှင့် မူလတန်းကျောင်းအရွယ် ကလေးများကို အတွေ့အကြုံဗဟုသုတ ပိုတိုးစေဖို့ပြင်ပသင်တန်းများသို့ အလုအယက်ပို့ဆောင်တတ် ကြပါတယ်။ ဒီနေရာမှာ အဓိကမေးစရာမေးခွန်းကတော့ ကျွန်တော်တို့လူကြီးတွေက ကလေးရဲ့ ကြီးထွား ဖွံ့ဖြိုးမှုကို နှောက်ယှက်ဟန့်တားမှုပြုနေသလားဆိုတဲ့ အချက်ပါပဲ။

ကလေးငယ်ထိန်းကျောင်းမှုဆိုင်ရာပညာရှင်များကို လေ့ကျင့်ပေးနေတဲ့ မှလက်ထောက်ညွှန်ကြားရေးမှူး မစ္စလင်ဟန်းအလိုအရ ကလေးတစ်ဦးက သင်တန်းများနှင့်သာ အချိန်ကုန်လွန်စေခြင်းက ကလေးရဲ့ မိမိကိုယ်ကိုရှာဖွေသိရှိမှု နှင့် ပတ်ဝန်းကျင်စူးစမ်းလေ့လာမှုအတွက် အချိန်ကိုဖယ်ရှားပစ်ရာ ရောက်နိုင်ပါ တယ်လို့ဆိုပါတယ်။ ယင်းအချက်နှစ်ခုစလုံးက ကလေးတစ်ယောက်ရဲ့ ဖွံ့ဖြိုးမှုမှာ အရေးကြီးဆုံး ကိရိယာတန်ဆာပလာပဲဖြစ်တယ်။

ကလေးတွေအပေါ် အလွန်အကျွံအစီအစဉ်ရေးဆွဲ လုပ်ဆောင်စေတာက အနာဂတ်မှာ ကလေးတွေရဲ့ “ဆုံးဖြတ်ချက်ချနိုင်မှု” အရည်အသွေးကို ထိခိုက်စေပါလိမ့်မယ်။ အချိန်ဇယားများ နောက်သို့ လိုက်နာလုပ်ဆောင်နေရတဲ့ အလေ့အထကြောင့် သူတို့ရဲ့အားလပ်ချိန် ဘယ်လိုလုပ်ရမလဲဆိုတာ သူတို့ဆုံးဖြတ်ရခက်တတ်ပါတယ်။

စင်ကာပူရှိ ကျွမ်းကျင်သူအများစုက စာပေသင်ကြားမှုနှင့် မဆိုင်တဲ့ သင်တန်းများ၊ ကလေးတွေ စိတ်ဝင် စားပျော်ရွှင်စေမယ့် အက၊အဆို၊စကိတ်စီးစတဲ့ သင်တန်းများမှ အကျိုးကျေးဇူးရရှိနိုင်ပါတယ်လို့ အကြံပေးပါတယ်။ သို့သော် ကလေးသူငယ်ဆိုင်ရာကျွမ်းကျင်သူအားလုံး တညီတညွတ်တည်း သဘောတူထားတာကတော့ ကလေးတွေရဲ့ အားလပ်ချိန်ကို အကောင်းဆုံးအသုံးပြုတဲ့ နည်းလမ်းက သူတို့ရဲ့မိဘများနှင့်အတူ ရှိနေခြင်းပါတဲ့။

ဦးလှမြင့် (ဂန္ဓမာ)
Ref: Motherhood/ July 08

ကလေးတစ်ယောက် ဘာကြောင့်လိမ်ပြောရသလဲ

မိဘများအနေနဲ့ သူတို့ကလေးများ အရွယ်ရောက်လာပြီး ရိုးသားမှုသည် လွန်စာအရေးကြီးသည်ဟု သိရှိလာရမယ့် အရွယ်မှာ မိမိတို့ကလေးသည် ကျောင်းတွင် လိမ်လည်တတ်သော ကလေးဖြစ်နေကြောင်း သိလိုက်ရပါက များစွာထိတ်လန့်သွားကြပါတယ်။
တကယ့်အဖြစ်မှန် သို့မဟုတ် စိတ်ကူးထဲက အားနည်းမှုကိုဖုံးကွယ်လိုတဲ့အခါ သာမန်ကလေးတစ်ယောက်သည် ပင်လျှင် လိမ်လည်ပြောဆိုတတ်ပါတယ်။ တကယ်လို့ ကလေးဟာသူ့ကိုယ်သူ ယုံကြည်မှုရှိပြီး လုံခြုံမှုလည်း ရှိမည်ဆိုရင် သူ့အနေနဲ့ လိမ်လည်ပြောဆိုဖို့ လိုအပ်တဲ့ခံစားမှုမျိုး တစ်ခါတစ်ရံမှသာ ဖြစ်ပေါ်လာပါလိမ့်မယ်။ တကယ်လို့ သင့်ကလေးဟာ အမြဲတမ်းလိုလိုလိမ်လည်ပြောဆိုနေတတ်တဲ့သူ ဖြစ်နေရင် သင့်ကိုယ်သင် ပြန်မေးကြည့်ရမှာကတော့ ကလေးသည်သူ့စွမ်းရည်အပေါ်မှာ မရပ်တည်နိုင်ဘဲဖြစ်နေတဲ့ ခံစားမှုဟာ ဘာကြောင့်လဲ။ ကလေးငယ်များ မကြာခဏ ဒုက္ခရောက်ရလေ့ရှိတဲ့အရာကတော့ အပြိုင်အဆိုင်အခြေအနေ မျိုးရောက်အောင် တွန်းပို့ခြင်းခံရသောအခြေ အနေမျိုးနှင့် ထိပ်ဆုံးရောက်သူ၊ အောင်မြင်မှုရရှိသူကိုသာ ချီးကျူးပြောဆိုခြင်းပြုလုပ်တဲ့အခါမျိုးမှာ ဖြစ်ပါတယ်။ သင့်ကလေးဟာ အတန်းထဲမှာ သူများနည်းတူ မလိုက်နိုင်ဘူးလို့ ခံစားရကောင်းခံစားမိပါလိမ့်မယ်။
အဲဒီအခါမျိုးမှာ သူ့ရဲ့ဆရာအနေဖြင့် ပြဿနာကို ကူညီဖြေရှင်းပေးနိုင်ရမှာဖြစ်ပါတယ်။ ကလေးအဲဒီလိုဖြစ်နေရခြင်းအကြောင်းရင်းဟာ သင်ကသူ့ကို ဇွတ်အတင်းတွန်းပို့နေပြီး အများကြီးမျှော်လင့်နေခြင်းကြောင့်ဖြစ်နိုင်ပါတယ်။
အဲဒီအခါ ကလေးများအနေနဲ့ သင်စိတ်ဆိုးမှာကြောက်လို့ဆိုတဲ့ လမ်းမှားသောကြိုးစားမှုကြောင့်
လိမ်ပြောရခြင်း ဖြစ်နိုင်ပါတယ်။

ပထမ တင်ထားသော ၀ပ်ဆိုဒ်လင့်က ဒီနေရာမှာပါ။

ခေါင်းလောင်းသံစာတမ်း

Thet Nandar — Fri, 08 May 2009 15:20:20 +0000

‎(၁)‎
ကြယ်တာရာတွေစူးစူးဝါးဝါးငုံ့ကြည့်နေတဲ့ကဝေည
မေမေ့ … ကိုကျွန်တော်သတိရလိုက်တာ … ‎
ညဉ့်ငှက်တွေက ကမ္ဘာအပေါ်ယံမှာလူးလာပျံသန်း
လရောင်ကိုတောင်ပံနဲ့တဖျန်းဖျန်းရိုက်ကြတယ် … ။

လောကအတုမှာ … လူသားအတုတစ်ယောက်
ကိုယ့်ပေါက်ချွန်းကိုယ်ထမ်းပြီးလမ်းလျှောက်နေတယ်
မေမေ … ‎
ကျွန်တော့်အတွက်တော့မေမေ့ရင်ခွင်ဟာ
သောကကင်းဝေးတဲ့ ငြိမ်းချမ်းရေး “နယ်”ပါ
အခု … ဘယ်မှာလဲ
ဘယ်မှာလဲ … .. ။

မြူမှုန်မိုးနှင်းတွေကရွှေရောင်တ၀င်းဝင်းတောက်
မေမေ့အုတ်ဂူကိုစောင့်ရှောက်ကြလိမ့်မယ်
ကောင်းရာဘုံသို့သွား အားလုံးကိုမေ့ထားခဲ့ပါတော့
မေမေ … ။

‎(၂)‎
ကျွန်တော်မှတ်မိသမျှ … ‎
မေမေ့မျက်လုံးဟာဆောင်းရာသီဆန်လွန်းတယ်
မြူတွေဖုံး၊ နှင်းစက်တွေဖုံး
နေရောင်တွေလည်းခါးကုန်းအောင်ရုန်းခဲ့ရပေါ့

သစ်ကိုင်းခြောက်ကြီးကမီးတောက်ကလေးကိုမွေးဖွား
ပြာအနန္တတိုင်အောင်ထွေးပိုက်ပျိုးထောင်သွားသလို
မေမေဟာ … ‎
သူ့ကိုယ်သူဖြန့်ခင်းပြီးကျွန်တော့်ကိုလျှောက်နင်းခိုင်းခဲ့တယ် … ။

မုသားတစ်လွှာမာယာတစ်ထပ်၊ ဝတ်ရည်တစ်စက်နဲ့
အို … ခတ္တာရေ … ‎
ပုခက်လွှဲသောလက်တွေနဲ့ကျွန်တော့်ကိုစိုက်ပျိုးခဲ့ရုံသာမက
သူမ..ကိုယ်တိုင်က..‎
ကျွန်တော့်အတွက်ဆိုရင်ပုခက်ဖြစ်ပြခဲ့တယ် … ။

‎“အမေ”အဖြစ်
စုန်ရေသစ်စီးကြောင်း၊တောင်ကျချောင်းကလေး
အေးလို့မွှေးလို့ တည်ခဲ့ပြန်တယ်။

‎(၃)‎
ခြေထောက်တွေကလှေကားထစ်အတိုင်းတက်သွားပြီး..‎
လူက … လှေကားခြေရင်းမှာကျန်ခဲ့ရတယ်
ဘယ်သူမဆို
ကိုယ့်အရိပ်ထဲမှာကိုယ်ပြန်ခိုချင်လို့မရဘူး
ကျွန်တော့်ကို “မေမေ”ပြန်ပေးကြပါ..။‎

ပြက္ခဒိန်ထဲမှာကြယ်ပွင့်ပြရေးစရာမလိုတဲ့
သာမန်အညတရမွန်းလွဲအိုတစ်ခုက
‎“မေမေ့”ကိုလုသွားတယ် … ။

နေပူအရပ်ရဲ့ကောင်းကင်နက္ခတ်ဖြူများဟာ
လင်းအားပြင်းထန်၊ လူငယ်တစ်ယောက်ရဲ့နှလုံးသားအတွင်းကို
တရှူးထိုးဆင်းချတယ် … .။‎
လက်ဖမိုးနဲ့ဖျက်ဖျက် လက်ဖ၀ါးနဲ့ဖျက်ဖျက်
ပါးပေါ်စီးတဲ့မျက်ရည်စက်လေးကတော့ပျက်သွားမှာပါ
ဒါပေမယ့်မေမေရယ် … ။

‎(၄)‎
မေမေ့မှာ
နာကျင်ခဲ့ရတဲ့ ဂန္တဝင်သက္ကရာဇ်များ
ဆက်ထုံးရှည်လျားလျားနဲ့ရှိခဲ့တယ် …. ။

ငယ်ငယ်တည်းက
‎“ဝ”လုံးဘယ်မှာစဖတ်ရမှန်းမသိတဲ့ကျွန်တော်ဟာ
မေမေ့အကြောင်းကိုလည်းခုထိစာလုံးမပေါင်းနိုင်ခဲ့ဘူး … ။

မေမေ့မှာ
ဘာသာဗေဒမတူ၊ ဖတ်တဲ့စာချင်းမတူ၊ ခူးတဲ့ပန်းချင်းမတူ
မိတ်ဆွေနဲ့မတူတဲ့မိတ်ဆွေတွေရှိတယ် … ။

မေမေဟာ
အက္ခရာနဲ့ဖော်ပြလို့မစွမ်းတဲ့၊ ယဉ်ကျေးမှုအခန်းခန်းကို
လွှမ်းရုံဖန်ဆင်းထားသူဖြစ်တယ် … ။

ကျွန်တော့်မေမေဟာ
သူများမေမေတွေထက် … နို့ရည်ပိုမထွက်ပါဘူး … … .‎
ဒါပေမယ့်မျက်ရည်တော့ပိုထွက်ရင်ထွက်မယ် … .‎
ကျွန်တော်ကလည်းဆိုးခဲ့တယ်လေ …။‎

‎(၅)‎
ဖုန်မှုန့်ပျံ့စင် … ‎
ကျွန်တော့်ရဲ့စိတ်ကူးတယဉ်ယဉ်တွင်းဟောင်း
အခု … လင်းနို့တွေအောင်းနေပြီမေမေ …။

လွန်ခဲ့တဲ့အနှစ် (၂၀)ကျော်
ကျွန်တော်မြင်းရုပ်စီးပြီး၊ သစ်သားခွာကြီးနဲ့ခရီးတွေနှင်
မေမေ့လက်ခုပ်သံတလွင်လွင်ပေါ့ … ။

စိတ်မလိုရင်ကောင်းဘွိုင်ဦးထုပ်ကိုဆွဲဖြဲ
ဂျစ်ကားတွေတက်နင်း၊ ရထား တစ်စင်းလုံးဆောင့်ကန်
ကျွန်တော့်ထမင်းပန်းကန်အထူအပါး
မေမေခွံ့ကျွေးမှစားခဲ့တယ် …။

မေမေက ဥုံဖွလို့မန်းမှုတ်ရင်
ဒုက္ခအပေါင်းဟာတိတ်ဆိတ်ငြိမ်သက်
ကျွန်တော့်ရှေ့မှောက်မှာကြောက်ရွံ့စွာလက်ပိုက်ရပ်ကြတယ် … ။

‎“လူကလေးရဲ့အိပ်ချိန်တန်၊ဗျိုင်းရှေ့ကပျံ” တဲ့
မိုးအုံ့နေတဲ့မျက်လုံးနဲ့ မေမေ့ပုခုံးမှာမှီတွယ်ငိုက်မျဉ်း
ကျွန်တော်ကလည်းအိပ်ပုပ်ကြီးတယ် … ‎
ကျွန်တော်အိပ်တိုင်းမေမေ့ဗျိုင်းကလည်းရှေ့မှာပျံတယ် … ။

ကျွန်တော့်အိပ်မက်
မေမေ့လည်တိုင်ကိုဖက်လို့ပေါ့ … ။

‎(၆)‎
ဟင်းလင်းပွင့်နေတဲ့ကျွန်တော့်ရင်ဘတ်ကိုဖုံးဖို့
အင်္ကျီမှာကြယ်သီးတစ်လုံးလိုနေပြီ …. မေမေ … ။

ငယ်ငယ်ကတည်းက ….‎
မေမေကခံတပ်လုပ်၊ ကျွန်တော်ကသူရဲကောင်းလုပ်
ရန်သူတွေနဲ့ဝေဝေဆာဆာဓါးချင်းခုတ်ဖူးတယ် …. ။

ကျွန်တော့်ဘဝတောက်လျှောက်
မေမေဟာခံတပ်ဆန်သူတစ်ယောက်ပါပဲ … ‎
ကျွန်တော့်ဘက်မှာရပ်တည်၊ ကာကွယ်၊ တိုက်ခိုက်
သူမကိုတော့ … မြားအစင်းစင်းစိုက်ခဲ့တယ် … ။

ကျွန်တော့်ကိုအလိုလိုက် … ကျွန်တော့်ကိုမရိုက်
ကျွန်တော့်ကိုရိုက်လည်းကျွန်တော်မငို … မေမေပဲငို … ။

မေမေပြောတဲ့ကျေးလက်နီတိ
‎“မတတ်ဘဲမန်းရင်တစ္ဆေမုန်းလိမ့်မယ်”‎
ဆေးမျက်လုံးနဲ့ကြည့် … တဲ့။

‎(၇)‎
လေကိုလေနဲ့မှုတ်တာကမှလွဲဦးမယ် … ‎
ကျွန်တော့်ကိုမေမေက …‎
ပညာလှလှတတ်စေချင်တာ … အသေအချာပေါ့ …။

ကောင်းကင်ပေါ်က“လ” နဲ့ဗျည်းစာလုံးထဲက“လ”‎
ဘာကြောင့်မတူတာလဲ …‎
ကျွန်တော်နဲ့အဖော်များ
ကျောင်းတော်မှာသဘောကွဲပြားကြ …။

ကျွန်တော်ကလူပျင်း …‎
သစ်ပင်ခြေရင်းမှာရပ်လိုက်၊ သစ်ပင်ဖျားကိုတက်လိုက်
စာမေးပွဲတွေမှာ …‎
အဆင့်တွေက ၁ မှ ၁၀၀ မရေရာ … ။

တစ်စတစ်စ … ‎
လူငယ်သီချင်း၊ နှင်းဆီဓားသွား၊ ရင်ကြားစိုက်နစ်
ကျွန်တော်ဟာ တေလေကုန်းမှာ ကဗျာဆရာဖြစ်လာတယ် … ။
လူငယ်တစ်ယောက်ရဲ့ရင်ခေါင်းမှာ …‎
အိပ်မက်တွေအမြှောင်းမြှောင်းထ …‎
ဂမ္ဘီရလမင်းကလည်းဝိုက်အုပ်ဖြာဆင်းကျနေတော့တယ် … ။

‎(၈)‎
တစ်ရက်မှာ
မြူပြာမှိုင်းမှုန်၊ အိပ်မက်ကိုစောင်လိုခြုံဆဲ … ‎
ကြယ်တွေအကုန်ကြွေတဲ့ည
ကျွန်တော့်အပေါ်ကြိုးပြတ်ကျတယ် … ။
ကျွန်တော် …‎
မပျော်လေလွင့်၊ ရင်အနင့်ဆုံးဆောင်း
နှင်းတွေပြောင်းပြန်စီးမျောလာ … ။

မေမေဟာ … ‎
ကျွန်တော်ပြန်လာမယ့်သန်းခေါင်ယံကို ခြံရံစောင့်ကြပ်
အလင်းရဲ့နတ်သမီးလို … မီးအိမ်ကိုင်ပြီးစောင့်နေတယ် … ။

နာကြည်းပင့်သက်၊ အရက်သောက်လာတဲ့သား
အမေ့အားစကားမဆို
အမေကား … သားကိုယ်စား မျက်ရည်မဲ့စွာငို … ။

သား … ‎
ဘဝဆိုတာရေစီးထဲကဗေဒါ … မရေရာဘူးကွဲ့
ဒါပေမယ့် … ‎

မျှော်လင့်ချက်ရဲ့ အရုပ်များ၊ အရောင်များ၊ အရိပ်များ
လွှင့်မပစ်နဲ့သိမ်းထား …‎
ဝိညာဉ်ရုန်းကန် တစ်နေ့မှာသူတို့ပြန်ရှင်သန်လိမ့်မယ် … ။

မေမေ့စကားက
ကျွန်တော့်ရဲ့မိုးခါးရေများကို
တစ်စက်ချင်း … တစ်စက်ချင်း … တစ်စက်ချင်း … ချိုစေခဲ့ … ။

‎(၉)‎
ဝါဆိုပန်းခူး၊ စံပယ်ဦးတို့မွှေးသက်ဝေဝေ
မုတ်သုန်လေရဲ့မှတ်တမ်း
မီးကိုလည်းကျွန်တော်နမ်းခဲ့ … ရေကိုလည်းကျွန်တော်နမ်းခဲ့ …။

မေမေဟာ …‎
ခြံထောင့်မှာဒေလီယာတွေပျိုးရင်း
မိုးစိုနေတဲ့ဆံနွယ်ခက်ကိုလက်နဲ့သပ်တင်
သူမလည်းရင့်ကျက်ကြည်လင်နေတယ် …။

မေမေချုပ်တဲ့
ဇာမဏီရုပ်နဲ့အကျီ င်္ချည်မျှင်ကြမ်းကြမ်း
ကျွန်တော် … .လမ်းမှာဝတ်ရန် … ။

နွားကသူငုံ့စားတဲ့မြက်တွေကို
ဝံပုလွေတစ်ကောင်ရဲ့အော်သံကြားတယ်လို့ပြောဆိုနေဆဲ
သွားကြစို့လေ … ‎

မုဆိုးခြေထောက်များနဲ့ကျွန်တော်သွားရာကျွန်တော်လိုက်
လေဆန်တွေပစ်စလက်ခတ်တိုက်တဲ့ခင်တန်း
ပဒိုင်းပန်းတွေလည်းဗောင်းလန်အောင်ခါရမ်းပွင့်ဝေ … ။

‎(၁၀)‎
သား … ‎
‎“၁။ တိမ်တွေပျံတာမိုးပေါ်မှာဘာနဲ့မှမငြိဘူး
၂။ တစ်တောလုံးကိုလည်းကြည့်တစ်ပင်ချင်းလည်းကြည့် ” တဲ့

မေမေ့ဆုတောင်းဘုရားကျောင်းမှဝတ်ပြုသံ
လောကဓံအသစ်သစ်တွေနဲ့မြင့်ရိုင်း
မိုးကုတ်စက်ဝိုင်းတစ်ခြမ်းကိုထိုးဖောက်
ကျွန်တော်ဆက်လျှောက်နေတယ် … (ဖိနပ်လည်းအခါခါပေါက်ခဲ့)‎

ညပေါင်း ၁၄၀၀
ဝင်္ကပါတောင်ကြားမှာ … ကံနတ်ဘုရားနဲ့စီးချင်းထိုး
ကျွန်တော်ကြိုးစား၊ အမှားများလည်းချင်းချင်းနီ … ။

ဧရာဝတီမေမေ၊ ပိတောက်ပင်ဟာမေမေ
ဖယောင်းတိုင်ဖြူဖြူဟာမေမေ၊ နံနက်ခင်းကြေးရုပ်ဟာမေမေ … ။

ခု … မေမေဆုံးပြီဆိုတဲ့သတင်းမှာ
ကျွန်တော်ဟာအရာရာဝင်းရှင်းပေါက်ကွဲ … နီလဲ့..‎
လူတဆုံး … ဝိညာဉ်တဆုံး၊ အကြွင်းမဲ့ဗုန်းဗုန်းလဲကျ
‎“မေမေ ..”‎

‎(၁၁)‎
မေမေဟာ … နာရီသံနဲ့အိပ်၊ နာရီသံနဲ့နိုး …‎
ဘယ်တော့မှထမင်းအိုးဝေမကျတတ်တဲ့မိန်းမမျိုးဖြစ်တယ် …။

မီးလောင်နေတဲ့ငရဲပင်ပျိုမှာ၊ ပွင့်အိုလေးပမာ၊ ဝါဝါနွဲ့နွဲ့
သတ္တိသစ်တွေနဲ့ဝေရဲခဲ့တယ် …။

သားငယ်ရဲ့မျက်နှာကို
အလင်္ကာလိုလည်းဖတ်၊ ပုစ္ဆာလိုလည်းဖတ်
ဆိုလိုရင်းကိုချက်ချင်းရှာဖွေတွေ့တတ်တယ် … ။

လင်မရှိတော့ပေမယ့်
သားငယ်အတွက်ရင်ခွင်တစ်ခုရှိတဲ့မိန်းမ
လူကန္တာရတို့ရဲ့ကျောက်တိုင်၊မြေခိုးမြေငွေ့ကိုပိုင်တယ် … ။
‎(အလင်းပြာမှတ်ကျောက်အတွက် မင်တစ်ပေါက်ဖြစ်တယ် …)‎

‎(၁၂)‎
အမေမရှိတဲ့သားမှာသာ
စေတန်ရဲ့လွှသွားကိုခါးသီးကွဲရှ
အရိုးမြုပ်အောင်ကိုက်မြိုခဲ့ရပြီ … ။

မျက်နှာကိုလက်ဝါးနဲ့အုပ်ရုံကလွဲလို့
ဘာမှလည်းလုပ်မပေးနိုင်တဲ့နေရာ … အဝေးမှာ … ‎
ကျွန်တော်က … ဟိုး … အဝေးကြီးမှာ … ။

ကျန်တာတွေကတော့ဘာမှမပြောင်းလဲပါဘူး
မီးခိုးငွေ့တွေကလည်း
ရိုးရာအခြေအနေအတိုင်း၊လှိုင်းထကော့လန်
ဒရွတ်တိုက်ပျံတက်ဆဲ … ။

အမေ့ရဲ့ခြေလို၊ လက်လိုနေခဲ့တဲ့ကောင်
အမေမရှိချိန်မို့လမ်းပေါ်မှာပြန့်လို့ကျဲလို့ … ။

အမှားလက္ခဏာ၊ အမှန်လက္ခဏာ၊ ဘာနဲ့မှလာမတိုင်းတာနဲ့
‎“အမေ”ဆိုတာထာဝရအကန့်အသတ်မဲ့တယ်
ချစ်သောမေမေ … ကောင်းရာဘုံသို့ရောက်ပါစေ … ။
‎(ကောင်းရာဘုံတို့၏တံခါးသည်မိခင်များအတွက်ပွင့်စေသတည်း …)‎

‎(၁၃)‎
နောင် … နှစ်ပေါင်းများစွာကြာရင်
မေမေ့အုတ်ဂူကို၊ ဝတ်ရုံဖြူနဲ့လူတစ်ယောက်လာမယ်
အနက်ရောင်ကတ်ပြားမပါ၊ လွမ်းသူ့ပန်းခွေမပါ
လေထန်လမ်းမှာဆံမျှင်တွေလွင့်ဝဲ …‎
အဲဒီလူဟာ … သားပဲပေါ့မေမေ … ‎
ဘယ်သံသရာမှာပြန်ရှာရင် မေမေ့ကိုတွေ့နိုင်မလဲ … ‎
ကျွန်တော့်ရှေ့မှောက် လရောင်တွေကွေ့ကောက်လွန်းလှချည့် … ။

အမေ့ကိုယ်စား … ‎
အမေ့ကိုယ်ပွား … ‎
ကြယ်စင်များကိုလက်ဖဝါးနဲ့ပန်၊ မြင်းခွာသံမှာအပ်နှံလိမ့်ဆင်း
အ၀ါရောင်မီးရှူးမီးပန်းလို
‎“လင်း”ပြီးမှပျောက်မယ် … ။

ကျွန်တော် … ‎
မေမေ … .‎
မာယာတောင်ခြေမှ ဒရမ်တီးသူများ၊ မျက်လှည့်တီးလုံးများ
သီချင်းအကွဲအစ … တစ်ပုဒ်ပြီးဆုံးသွားပါပြီ … ။

မေမေ … ‎
ကောင်းရာသုဂတိလားပါစေ … ‎
ခေါင်းလောင်းထိုးသံတိုးတိတ်လွင့်ဝေ … … ..‎
ခေါင်းလောင်းထိုးသံတိုးတိတ်လွင့်ဝေ … … ..‎
ခေါင်းလောင်းထိုးသံတိုးတိတ်လွင့်ဝေ … … ..‎
‎

တာရာမင်းဝေ

Spaghetti

Thet Nandar — Wed, 06 May 2009 08:01:01 +0000

Spaghetti

အိမ်တွင်းဖြစ် Ready Made များနဲ့ စားဖြစ်တဲ့ Spaghetti ခေါက်ဆွဲ

အိမ်က ရှိတာလေးနဲ့ထပ်ပီး ဖြည့်ထားတာတွေကတော့ ….

ကြက်သား၊ Baby Corn၊ မုန်လာဥနီ

ပုဇွန်၊ ငရုတ်သီးအစိမ်းပွ၊ pork sausage ပါးပါးလှီးထားတာတို့၊ mushroom၊ သီဟိုဌ်စေ့တို့ပါရင် ပိုမိုက်မယ်။ လောလောဆယ်တော့ ရှိတာတွေပဲ ထည့်ထားလိုက်တယ်။

ကြက်ဥပြုတ်၊ chicken sausage၊ ပြောင်းဖူးပြုတ်

City Mart ကနေ ၀ယ်ထားတဲ့ Heinz တံဆိပ် spaghitti sauce (၂၂၅၀ကျပ်) Riscossa Pasta Spaghetti Noodle (၁၃၈၀ကျပ်) နဲ့ ရောစားလိုက်တော့ အိမ်တွင်းဖြစ် Spaghitti ခေါက်ဆွဲလေး ဖြစ်သွားပါတော့တယ်။ သားသားလေးနဲ့ သမီးလေးကတော့ အရမ်းကြိုက်။

Heinz spaghitti sauce

အဲဒီ ပုလင်းလေးကို မစားခင် Microwave နဲ့ ၂ မိနစ်လောက် အရင်နွေးပါတယ်။ အဲဒီ Heinz တံဆိပ်က ထုတ်တဲ့ ကလေးအစားအစာတွေကို သားသား ၅လသားလောက်ကတည်းက တစ်နေ့ကို ၂ဗူးနှုန်းနဲ့ စားတဲ့အခါတိုင်း Microwave နဲ့ နွေးပီးမှပဲ စားတာ အကောင်းဆုံးမို့ပါ။

ခေါက်ဆွဲ

Happy Mother Day

Thet Nandar — Mon, 04 May 2009 08:23:01 +0000

May - 10, 2009 (Mother Day)

အမေများအားလုံး
ကိုယ်၊ စိတ်၊ နှလုံး သုံးပါးစလုံး
ချမ်းမြေ့၊ ကြည်ရွှင်၊ အေးချမ်း
ကြပါစေလို့
သက်နန္ဒာမိသားစုမှ
ဆုတောင်း မေတ္တာ ပို့သလိုက်ပါတယ်။

အမေ့မှတ်တမ်း

Thet Nandar — Mon, 04 May 2009 07:59:21 +0000

ကျွန်မတို့ မောင်နှမတွေကြားမှာ အမေမရှိတော့တဲ့ အချိန်မှစ၍ ခံစားမှုအသစ်၊ လုပ်ရပ်အသစ်၊ အပြုအမူ အသစ်တွေ ဖြစ်နေကြသည်။ ကျွန်မက ကျွန်မ သွားလေရာဝန်းကျင် တစ်လျှောက်မှာ အမေ့အရွယ်နှင့် အမေ့အရွယ်ထက် မိန်းမကြီးတွေကို မြင်လျှင် တမေ့တမြော လိုက်ကြည့်ဆန်းစစ်နေတတ်သည်။ သူတို့၏နုပျိုမှု၊ ဇရာထောင်းမှု၊ သူတို့၏အပြင်ပန်း အမြင်အရ ကျန်းမာခြင်း မကျန်းမာခြင်း၊ သူတို့တွေရဲ့ ပြောပုံဆိုပုံ ၀တ်စားဆင်ယင်ပုံ အားလုံးကို ကျွန်မ စိတ်ဝင်တစား ငေးကြည့် နေမိတတ်ပါသည်။

ကုန်ကုန်ပြောရလျှင် ဘုရားပွဲက ကောက်ညှင်း ကျည်တောက်သည်တောင်မကျန် ဈေးသည်တွေ အများကြီးထဲကမှ အသက်ကြီးသော ထိုအဘွားကြီးဆီမှာပဲ ၀ယ်ချင်နေမိသည်။ စကားလေး ရသလောက်ပြောချင်နေသည်။ “လက်ပံတန်းက လာရောင်းတာ။ အသက်ရှစ်ဆယ်ရှိပြီ။ ဒါတွေ အမေကိုယ် တိုင်လုပ်တာ”ဆိုသော ထိုဈေးသည်အဘွားကိုကြည့်ရင်း ခြောက်ဆယ့်ငါးနှစ်နဲ့ လူ့လောကကို နှုတ်ဆက်သွားသော အမေ့အတွက် ကျွန်မစိတ်တွေ မသာမယာ ဖြစ်ရပြန်သည်။ ဘာရယ်မဟုတ် ဈေးသည် အဘွားကို “အမေ”ချင်းလှိုင် နေအောင် ခေါ်ဖြစ်ခဲ့ကာ ဈေးလျှော့ပေးနေသည့်ကြားက ပိုပိုသာသာတွေ ပေးဖြစ်ခဲ့ပြန် တာမို့ ဘေးနားမှာ လိုက်လာသည့် သမီးငယ်က နားမလည်သလို ကြည့်နေသည်။

သမီးငယ်ကသာ နားမလည်ခဲ့သော်လည်း ပွဲဈေး အပြန်လက်ဆောင်အဖြစ် အစ်မကို ကျွန်မ ကောက်ညှင်းကျည်တောက် သွားပေကာ “အဘွားကြီးဟယ်၊ လက်ပံတန်းကတောင် လာရောင်းတာ”တဲ့ဟု စကားစရုံ ရှိသေး “အေးလေ၊ ကျန်းမာတဲ့သူတွေကျတော့လည်း ဒီအရွယ်ထိ လုပ်နိုင်ကိုင်နိုင်တယ်နော်။ အမေ့ကျတော့လည်း”ဆိုကာ စကားမဆက်ခဲ့ပါ။ ဒါသည်ပင် ကျွန်မတို့ ညီအစ်မချင်းကြားမှာ အမေနှင့်ပတ်သက်ပြီး ဆက်သွယ်မှုလှိုင်းတွေရှိ နေခဲ့တာ အသိသာကြီးပင်။ အစ်မကတော့ ကျွန်မထက် တစ်မူထူး နေပြန်သည်။ အမေဆုံးပြီးမှ သူ၏ပြောင်းလဲမှုက ရပ်ကွက်ထဲကလူကြီးများ၏ ကျန်းမာရေးကိစ္စ၊ နာရေးကိစ္စများကို စိတ်ဝင်စားတတ်လာခြင်းပင်။ ဘယ်သူ နေမကောင်း လို့တဲ့ဟူသော အသံကြားရုံနှင့် အိမ်ဆိုအိမ်၊ ဆေးရုံဆိုဆေးရုံ လူနာနှင့် လိုက်ဖက်သော အစားအသောက်များယူကာ သွားရောက် အားပေးလေ တော့၏။ သူ ပြန်လာလျှင် လည်း သူ တွေ့ခဲ့သော လူကြီးသူမများ၏ အကြောင်းကို စိတ်မကောင်းဟန်နှင့် တဖွဲ့တနွဲ့ပြောပြတတ်သည်ကို ကျွန်မကလည်း ဘာအလုပ်မှမလုပ်ဘဲ စိတ်လို လက်ရ နားထောင်ဖြစ်ခဲ့ပါသည်။ ဒါသည်ပဲ ကျွန်မတို့၏ အလွမ်းဖြေမှု ပြယုဂ် မဟုတ်ပေလား။

အစ်ကိုလတ် ကျပြန်တော့ ပြောင်းလဲမှုက ထူးသည်။ အမေဆုံးပြီး မကြာခင်မှာပဲ ကားတစ်စင်း ကောက်ဝယ်ကာ ထိုကား၏ ပြင်မှုဆင်မှုနောက်ကို ကောက်ကောက်ပါအောင် လိုက်ပြီး သူ့အချိန်တွေ စိတ်တွေကို ဖြုန်းတီးနေလေတော့၏။ သူက နဂိုတည်းက ကား မောင်းတတ်သူ မဟုတ်လေတော့ သူ့အတွက် လေ့လာ လိုက်စားစရာ အချိန်ဖြုန်းစရာတွေက များပေသား ကလား။ ကျွန်မတို့ ညီအစ်မ နှစ်ယောက်ကတော့ သူနဲ့ ထိုကား နပန်းလုံးပြီး အချိန်တွေကုန်နေတာကို မြင်တိုင်း အမေ့အလွမ်းတွေကို ကားပေါ်မှာ အာရုံပြောင်းနေသည် ရယ်လို့ပဲ ရှင်းရှင်းပြတ်ပြတ်ကြီး သိနေရဲ့နှင့် မသိချင် ယောင်ဆောင်ထားကြရပေသည်။
သုံးဆယ်ကျော် လေးဆယ်တန်းဝင် သားသမီးတွေ၊ ကိုယ်ပိုင်မိသားစု အသီးသီးရှိကြပြီးဖြစ်တဲ့ သားသမီးတွေဖြစ်နေကြသော်လည်း အမေနှင့်ပတ်သက်လာလျှင် ကျွန်မတို့တွေ မရင့် ကျက်နိုင်ကြသေးတာကို အမေသေဆုံးပြီးခါမှပဲ ကိုယ့် ကိုယ်ကို သတိပြုမိတော့၏။ ဒီဝန်ခံစကားကို အမေကြားနိုင်ခဲ့မယ်ဆိုရင် ပြုံးနေကျ အပေါ်စီးအပြုံးကြီးနှင့် ခပ်ထေ့ထေ့ ပြုံးကြည့်နေဦးမည် ထင်ပါသည်။ အမေဆုံးပြီးခါမှ ပုံကြီးချဲ့ထားသော ဓာတ်ပုံထဲက အမေ့အပြုံးကို မြင်တိုင်း အစ်မပြောနေကြ စကားတစ်ခွန်းရှိသည်။ “ကြည့်စမ်းပါဦး မူမူရယ်၊ နင့်အမေမိုက်ဂိုက်ကြီးနဲ့ ပြုံးနေတာနော်”တဲ့။ အစ်မ စကားက ဓာတ်မသိသူ အတွက် တစ်မျိုးကြီး ယူဆနိုင်ပေမယ့် အစ်မပြောသလို ကျွန်မတို့ အမေရဲ့အပြုံးက တကယ့်ကို မိုက်ဂိုက်ကြီးနဲ့ ပါ။ မပြုံးချင်သလို ပြုံးချင်သလို နှုတ်ခမ်းထောင့်လေး တွန့်ရုံ ပြုံးတတ်တာဟာ အင်မတန်မှ ပဲများအလှကြိုက်ပြီး သူ သိထားတာ သိပ်မရှိပေမယ့် တလောကလုံးကို ခါးစောင်းတင်နိုင်သလို ဟန်ဆောင်တတ်တဲ့အမေ့ရဲ့ မူပိုင် အိုက်တင်ပင် ဖြစ်တော့၏။ တကယ်တော့ အဲ့ဒီဓာတ်ပုံဟာ အမေတစ်ယောက်တည်း သီးသန့် အရိုက်ခံခဲ့ခြင်း မဟုတ်ပါ။ ချောင်းသာမှာ မိသားစုတွေ အားလုံး အပျော် ခရီးထွက်ကြတုန်းက မိသားစု စုရိုက်ခဲ့တဲ့ပုံထဲက တစ်ပုံကို အမေတစ်ယောက်တည်းပုံ ထွက်အောင် ကွန်ပျူတာနဲ့ ဖန်တီးခဲ့ခြင်းပင်။ ရွှေသိပ် ကြိုက်သော အမေ့ထုံးစံ အတိုင်း အမြင်ရိုင်းလောက်အောင်ပင် ဆွဲကြိုးကြီးကြီး၊ ဒင်္ဂါးပြားဆွဲသီးနှင့် လက်ကောက်တွေ ထပ်ဝတ်ထားသော အမေ့ပုံစံက တကယ့်ကို မာန်အပြည့်၊ ဟန်အပြည့်။ ဒါပေမယ့် ဓာတ်ပုံထဲမှာသာ ဟန်တွေမာန်တွေ ထည့်ထားသော်လည်း တကယ်တမ်း အမေ့မှာ ရောဂါ အဆောက်အအုံက ထုနဲ့ထည်နဲ့ ရှိနေခဲ့ပါပြီ။ ဆေးရုံကို ငါးကြိမ်လောက်တက်ထားခဲ့ပြီး အသည်းကို သွားသည့်သွေးကြောတွေ ထပ်မပေါက်အောင် မနည်းကို ကုသထားခဲ့ရတာပါ။ ပြီးတော့အမေ့ရဲ့ အသည်းခြောက်သည့် အဆင့်ကလည်း တော်တော့်ကို ကျယ်ပြန့်နေသည့်အချိန်၊ အားလုံးက လမ်းခရီးမှာ အချိန်မရွေး ထဖောက်နိုင်တာ သိသော်လည်း ပါစေချင်လွန်းလို့ ရွှေမင်းသမီးလေး တစ်ပါးလို တယုတယခေါ်ခဲ့ကြတာ။ အမေကတော့ အားလုံးရဲ့ ဂရုစိုက်မှုတွေကို ခံစားပြီး ပတ်ဝန်းကျင်က အားကျတဲ့အကြည့်တွေကို ခံယူလို့ အရမ်းကို ရှိုးစမိုး ကောင်းစွာနဲ့ ခရီးစဉ်တစ်ခုလုံး အပြုံးမပျက် ချီတက်ခဲ့လေသည်။ သားတွေသမီး တွေမြေးတွေ ရေထဲဆင်းနေ ချိန်မှာ ဟိုတယ်အခန်း ၀ရံ တာကနေ ခပ်ပြုံးပြုံးနဲ့ ကြည့် နေတဲ့ အမေ့ဟန်ပန်ကို ခုပြန်တွေးကြည့် ခုများမြင်ယောင် ပါရဲ့။ ရေထဲမဆင်းတဲ့ အမေက အလှစီးလှည်းယာဉ် ကျတော့ လိုလိုချင်ချင်ပဲ လိုက်စီးခဲ့တာမို့ အားလုံး မှတ်မှတ် ရရ ပျော်ဖြစ်ခဲ့ကြရသေးသည်။ လှည်းပေါ်ရောက်ဖို့ ခုံပုကလေးကနေတစ်ဆင့် ကြိုးစားပမ်းစားတက်နေတဲ့ အမေ့ကို “အမေ ပင်လယ်လေက အရမ်းသန့်တယ်။ ရင်ထဲ ထိရှိုက်ရှူ”လို့လည်း ဆိုလိုက်ရော တက်နေရင်း တန်းလန်းက “အား”ခနဲ ရှူလိုက်တာမို့ လှည်းပေါ် မရောက်ဘဲ ပြုတ် ကျတော့မလို ဖြစ်ခဲ့ရတာမို့ ပြောမိတိုင်း ပြန်ရယ်ဖြစ်ကြရပြန်၏။

အမေဆုံးပြီးသည့် အချိန်မှစ၍ အမေ့အကြောင်းပြန် တွေးတိုင်းပြန်ပြောတိုင်း မောင်နှမတွေ စိတ်မကောင်းစရာတွေ ထည့်မပြောဖြစ်။ ရယ်စရာ၊ မောစရာဘက်ကို ရောက်အောင် လှည့်ပတ် ပြောကြ၊ ရယ်ရလွန်း၍ မျက် ရည်စို့သည့်အိုက်တင်မျိုးနှင့် ကျချင်သည့်မျက်ရည်ကို ခိုး သုတ်တဲ့အိုက်တင်လည်း အားလုံး ကျွမ်းကျင်ကုန်ကြ ပေပြီ။ အမေကိုယ်နှိုက်က မျက်ရည်လွယ်တတ်သူမဟုတ်။ မျက်ရည်ကျသည်ကို မကြိုက်သူမို့ မောင်နှမတွေ အမေ့ကိုလွမ်းတိုင်း မျက်ရည် စို့အောင် ရယ်စရာများပြောကာ လွမ်းဖြစ်ကြသည် ထင်ပါရဲ့။ အမေ အသည်းအသန် ဖြစ်နေချိန်မှာ အမေချစ်သော အမေ့မောင်လေး လေးစိုး တစ်ယောက် နယ်မှရောက်လာချိန် အမေ ရှားရှားပါးပါး မျက်ရည် ကျခဲ့ရှာသည်။ အမေ့မျက်ရည်ကို မကြည့်ရက်သော ကျွန်မတို့က ဟီး ဟီးဟားဟားတွေ လျှောက် ပြောကာ ရယ်စရာတွေ လျှောက်လုပ်တော့ အမေ့မှာ မျက်ရည်ပင် ဆုံးအောင်မကျ လိုက်ရ။ သူ့ခေါင်းတုံးလေး တွေကိုပွတ်ကာ ” အာ ဒီကောင်မတွေ ရယ်နေတာလဲ”ဟု စိတ်ရှုပ်စွာပြောရင်း တစ်ဖက်ကိုလှည့် သွားရှာ သည်။ လေးလေးစိုးကတော့ မမြင်တွေ့ကြသော ကာလ အတွင်း သူ့အစ်မ၏ ပြောင်းလဲသွားသော ဇရာနှင့် အလှ ကို စိတ်မကောင်းခြင်း ကြီးစွာဖြစ်လို့ရယ် အသည်း ခြောက်ရာမှသည် ကင်ဆာဘက်ကို ကူးပြောင်းခဲ့ပြီဖြစ် သည့် အမေ့ကျန်းမာရေးက သူမ၏ လှပထူထဲသောဆံပင် များကို အဆုပ်လိုက် အဆုပ်လိုက် ကျွတ်စေခဲ့သည်မှာ ကျွန်မကိုယ်တိုင် ခေါင်းတုံး တုံးပေးလိုက်ရသည့်အထိ ပင်။ တဖြည်းဖြည်း ပိန်လိုက်လာသော အမေ့ခန္ဓာကိုယ်ကို ကြည့်ကာ ရင်ထဲမှာ ဆို့နင့်နေသော်ငြား “မျက်နှာ လေးနဲ့ ခေါင်းတုံးလေးနဲ့ဆို တော့ ဂန္ဓီနဲ့တူတယ်။ အိန္ဒိယ ခေါင်းဆောင်လေး ငါတို့အိမ် မှာဟေ့”လို့ ကျွန်မတို့စလျှင် အမေ မျက်စောင်းထိုးနိုင်ခဲ့ သေးသည်။

ကင်ဆာဆိုလျှင် ဆုံးကာနီး အော်ဟစ်နေရတာပဲဆိုသော ဟိုကဒီက စကားတွေ ကိုကြားတိုင်း ကျွန်မတို့ရင်ထဲမှာ မီးစနှင့်ထိုးသည့်ပမာ။ အမေ့ကို တောက်လျှောက် တာဝန်ယူကုသခဲ့သော ဆရာဝန်ကြီးက အလွန်ဆုံး ခြောက်လပဲဟု ဆိုသည့်အချိန် ကျွန်မ တို့ ဘာလုပ်ရမလဲ၊ တစ်ယောက်နှင့်တစ်ယောက် ဖွင့်မတိုင်ပင်ဖြစ်ပေမယ့် ကိုယ့် အလုပ် ကိုယ် လုပ်ဖြစ်ကြသည်။ အစ်မက အမေ့အနားမှာ သူ ဂျူတီကျချိန်တိုင်း အမေ မခံချင်ဖြစ်အောင်၊ အမေ ဒေါသတွေထွက်ပြီး စကားတွေပြောလာအောင် ဆွဆွပေးကာ အမေ့ကို လူကောင်းတစ်ဦးပမာ ဆက်ဆံသည်။ အမေနှင့် အစ်မက ဘ၀တစ်လျှောက်လုံးမှာ မတည့်အတူနေမို့ အစ်မ ဒီလို လုပ်ပေးမှပဲ အမေက သူ့ ကိုယ်သူ လူကောင်းတစ်ဦး လို့ ထင်တော့မှာလေ။ အစ်မ နှင့်အမေ ဘုနှင့်ဘောက် ပြောနေသံကို နားထောင်ရင်း ကျွန်မနှင့်အစ်ကိုတို့ မျက်ရည် မကျအောင် တင်းထားမိကြ မြဲ။ ညနေ ရုံးပြန်ချိန်ဆို အမေ့ အနားမှာ ကျွန်မ ဂျူတီရောက် ပေပြီ။ “အမေ ဒီနေ့ နေကောင်းတယ်။ ငါတို့ သူ့ဆီး အိုးတည့်အောင် မခံပေးလို့ ဆိုပြီး ဆွဲလိမ်တာ အားတွေ ပါတယ်ဟဲ့”ဟု အစ်မက အပျော်နဲ့ပြော၊ ကျွန်မက မျက်နှာမှာပြုံးလို့ရယ်လို့ အမေ့အနားရောက်ရပြီ။ အမေ အ၀င်ခက်သောဆေးတွေကို ချော့ကာမော့ကာတိုက်ရင်း “ခေါင်းတုံးလေး၊ သမီးလေး လုပ်မှာလား အမေလုပ်မှာ လား”မေးရင် “သမီးလုပ်မယ်” ဟု ဗလုံဗထွေးသံလေးနှင့် ပြန်ဖြေတတ်မြဲ။ ဒီလို အချိန် တွေဆို ကျွန်မ အမေ့ကို လှည့်ပတ်ပြီး ရယ်စရာတွေပြောလို့ အမေ့မျက်နှာလေး ကြည်နေလျှင် အမေ့ရင်ဘတ်ပေါ် လက်အုပ်လေးချီတင်ကာ ကျွန်မပါးစပ်ကနေ အမေ့ အစား ဘုရားရှိခိုးပေးရပေ ပြီ။ ဆုံးခါနီး နှစ်ပတ်လောက်အလိုထိ အမေ သတိ ကောင်းသေးတယ်။ ကျွန်မ ဘုရားရှိခိုးတာကို အာရုံပြုနိုင်သည်။ သာဓုခေါ်နိုင်သည်။ ရုံးမှာ တစ်နေကုန်မော လာခဲ့သော ကျွန်မအနေနှင့် ညကိုးနာရီကျော်လျှင် အမေ့ အနားမှာ မနေနိုင်တော့ အိပ် ချင်ပြီ။ ဒီချိန်သည် သူ့ဆိုင် ပိတ်ပြီးပြန်လာသော အစ်ကို့ အလှည့်ပင်။ အစ်ကို့ကျတော့ သူက ဂမ္ဘီရသမား။ အမေ့ကို နေ့တိုင်း အသက်ဆက်ပေး သည်ဆိုကာ ဘုရားစာများ ရွတ်၊ အမေ့ခုတင်ဘေး တင် ပျဉ်ခွေမတ်မတ်ကြီးထိုင်ပြီး မျက်စိမှိတ် လက်ကိုဆန့်တန်း လို့ အမေ့ရင်ဘတ်ပေါ် သူ့လက်တင်ကာ ဓာတ်ကူး တော့သည်။ သူ့သားလုပ်နေ ပြီဆိုရင် ယုံယုံကြည်ကြည်နဲ့ ငြိမ်ငြိမ်လေးနေပေးသူ အမေ့ ရင်ထဲမှာ ထိုစဉ်က ဘယ်လို တွေးနေမလဲ။ မဖြစ်နိုင်တော့ မှန်း သိလျက်နဲ့ အမေအားရှိ အောင် ဟန်ဆောင်လုပ်ဇာတ် ဆင်နေသော အစ်ကို့ရင်ထဲမှာ ဘာတွေရှိနေမလဲ။ အစ်မနှင့် ကျွန်မကတော့ မျက်တောင်သာ နာနာခတ်ရင်း ကွယ်ရာမှာ မမြင်ယောင်ပြုနေဖြစ်ကြမြဲပင်။

အမေ့အနေအထားကို ကျွန်မတို့ စိုးရိမ်ရလေလေ ဒီတိုင်းဟန်ဆောင် ရယ်မော မနေသင့်ကြတော့။ အမေ့ အတွက် တစ်ခုခုလုပ်ပေးချင်နေသောစိတ်တွေတားဆီး မရ။ လူက ရုံးသွားဖို့ထွက် လာသော်လည်း ခြေလှမ်းက ဘုန်းကြီးကျောင်းတစ်ခုထဲ ရောက်သွားသည်။ တကယ်တမ်းဆို ဘုန်းကြီးကျောင်းတွေ ဆရာတော်ကြီးတွေနဲ့ ကျွန်မ စိမ်းပါသည်။ အမေ့ ဇောနှင့် ကျောင်းထိုင်ဆရာတော်ကြီးကို သင်္ကန်းကပ်ချင် ကြောင်း၊ ကျောင်းအတွက် န၀ကမ္မကပ်ချင်ကြောင်းတွေ ငိုချင်စိတ်ကိုထိန်းကာ လျှောက်ဖြစ်သည်။ မနက်ဖြန်ဟု ရက်ရခဲ့ပြီး ရုံးကိုမသွားဖြစ်တော့။ အကောင်းဆုံး သင်္ကန်းဝယ်၊ ဟင်းချက်စရာ တွေဝယ်နှင့် မောင်နှမတွေ အလုပ်ရှုပ်သွားခဲ့ကြသည်။ နောက်တစ်နေ့မနက် ဘုန်းဘုန်းတွေ ကြွလာချိန်မှာ ကျောင်းထိုင်ဆရာတော်ကြီး ပါပါလာသည်မို့ အမေ့ အတွက် ပျော်လို့မဆုံးတော့ပါ။ တကယ်ဆို ကျွန်မ လျှောက်ခဲ့ချိန်က ကျောင်းက ကြိုက်တဲ့သံဃာ ကြွရန်သာ လျှောက်ခဲ့ခြင်းပါ။ ကျွန်မရဲ့ အပူမီးကို ကရုဏာထားသော ဆရာတော်ကြီးက ကိုယ်တိုင် ကြွလာခဲ့ပြီမို့ အမေ့အလှူ အတွက် ကျွန်မ စီစဉ်ရကျိုး နပ်ပြီပေါ့။ ဆရာတော်တွေ တရားပေး၊ အလှူလက်ခံ၊ ဆွမ်းဘုန်းပြီးချိန်မှာ အမေ အတော်မောနေပြီ။ ဘယ်သူ့မှ မဖိတ်ဘဲ မိသားစုတွေကြီးပဲမို့ မိသားစုတွေစားကြသောက်ကြတဲ့အချိန် “ဆရာတော်တွေ တော့မသိဘူး၊ အမေ့ပုစွန်ထုပ် အလှူဟင်းက သာဝကကြီးတွေ အကြိုက်ပဲဗျာ”ဟု အစ်ကိုက အမေ့ကို နောက်တော့ မောနေသည့်ကြားက ပြုံးနေပြန်သည်။ အဲဒီနေ့ညမှာ အမေမှတ်မှတ်ရရ ပြောသည့် စကားက “သားတို့သမီးတို့ကို အမေ ကျေးဇူးတင်လိုက်တာ။ အမေ အဲ့လိုလှူချင်နေတာ၊ အားလုံးပင်ပန်းနေလို့ မပြောရက်လို့”တဲ့လေ။ အမေ့ရှေ့မှာ မထိန်းနိုင်ဘဲ ကျွန်မမျက်ရည် ကျမိတာ အဲဒီတစ်ခါတည်းပါ။

ဆုံးခါနီး ငါးရက်အလို မှာတော့ အမေ အပေါ့၊ အလေးမထိန်းနိုင်တော့ပြီ။ တစ်ခါတလေ ခုတင်ဘေးက ဆီးအိုးတောင် မလှမ်းနိုင်သေးခင် ခုတင်ပေါ်မှာ အညစ် အကြေး စွန့်ပြီးနေပြီ။ သို့သော်လည်း အမေ့ကိုယ့်မှာ ချေးနံ့သေးနံ့မရှိ။ တစ်ခါပါ တစ်ခါသန့်ရှင်းရေးလုပ်၊ ထဘီအသစ်တစ်ခါလဲပေး၊ နံ့သာဖြူ ပေါင်ဒါတွေဆွတ်နှင့် ခုတင်လေးက အမြဲတမ်းမွှေး ပျံ့နေသည်။ အဲ့ဒီရက်ပိုင်းတွေမှာတော့ အမေ့မှာ သားနှင့် သမီး ချစ်ခြင်းမုန်းခြင်းများ ကင်းခဲ့ပြီ ထင်သည်။ သူ့စိတ်အာရုံတွေ ဘယ်ဆီကိုရောက် နေပြီမသိ။ ဘယ်သူ့မှမခေါ်၊ ဘယ်သူ့မှမတဘဲ ငြိမ်သက်စွာ လှဲနေတတ်သည်မှာ တစ်နေကုန်။ ရေတိုက်လျှင် သောက်သည်။ အစာကျွေး လျှင် ခေါင်းခါသည်။ မျက်လုံး အကြည့်တွေ ရီဝေေ၀ အသိမရှိတော့သလိုပင်။ အစ်မက အမေ့ခုတင်ဘေး သွားကာ မခံချင်အောင် စလျှင် နောက်လျှင်တောင် အရင်ကလို သူ့ခေါင်းတုံး လေးပွတ်ကာ စိတ်မတိုနိုင် တော့။ မကြားသလို၊ ဒီလိုနဲ့ပဲ အမေ ဆုံးမည့်ရက်မှာတော့ အသက်ရှူရခက်သည့်ပုံ ပြ သည်မို့ အောက်စီဂျင် ခေါ်ရသည်။ အနီးစပ်ဆုံး ပုပ္ပါး ဆေးခန်းမှ ဆရာဝန်ကို အိမ်ပင့်ကာ အမေ့ရောဂါရာဇ၀င် ကိုပြောပြပြီး လိုအပ်တာများ ရှိရင် ညွှန်ကြားဖို့ပြောတော့ ဆရာဝန်မှ ဆေးတစ်လုံးထိုး ပေးသည်။ တကယ်တော့ အမေ့အတွက် အဆင်ပြေဆုံး အမောပြေစေဖုိ့ဆေးပဲ ဖြစ်မည်ထင်ပါရဲ့။ အောက်စီဂျင် ရှူကာ ဆေးထိုးလိုက်သည့် အချိန်မှစပြီး အမေ့မျက်နှာ လေးကြည်လာကာ အမော သက်သာလာသည်။

ဒီချိန်မှာ ပုံပြောကောင်းတဲ့ကျွန်မက အမေ့ဘေးမှာ ညင်ညင်သာသာလေး ထိုင်ကာ ပုံတွေစပြောရပါတော့သည်။ “ခေါင်းတုံးလေးရေ အမေနဲ့မူမူနဲ့ ဘုရားတက်ကြမယ်နော်၊ ဟော ဘုရားကို ရောက်ပြီ။ အရမ်းကြည်ညို စရာကောင်းတာပဲ အမေကြီး ရယ်။ လက်အုပ်ချီပြီး အာရုံပြုရအောင်နော်။ အမေကြီး ဟိုဘက်ထောင့်မှာ ပရိတ်အဖွဲ့တွေ ပရိတ်ရွတ်နေကြတယ်တော့။ ခဏလေးထိုင် နားထောင်ရအောင်နော်” ကျွန်မ စကားဆုံးတာနှင့် ဘေးနားမှ ငြိမ်ငြိမ်လေး လာကြည့်နေသောယောက်မက အလိုက်သိစွာပဲ ကျွန်မနဲ့ သံပြိုင် ပရိတ်လိုက်ရွတ်ပေး ခဲ့ပါတော့၏။

“ဆွမ်းကပ်လိုက်ဦးလေ”တဲ့။ သေအံ့မူးမူးမိခင်ရဲ့ ဗလုံးဗထွေးစကား။ ကျွန်မ ရဲ့ပုံပြင်မှာ အမေဟာ ကျေးဇူး တင်စရာစီးမျောခဲ့ပြီပေါ့။ အစ်ကိုကလည်း ကျွန်မအနေ အထားကိုကြည့်ပြီး နားခွင့် ပေးတဲ့အနေနဲ့ သူ့အိမ်ကယူ လာတဲ့ သာမညဆရာတော်ကြီးပုံကို အမေမြင်သာအောင် ထောင်ပြီး ဆရာတော်ကြီးပဲ အမေ့ရှေ့ကြွလာသလိုမျိုးဖြစ်အောင် တိုးတိုးလေးဝင်ပြော ပေးလိုက်ပါသည်။
အမေ့ မျက်လုံးအိမ်တွေ သိပ်မလှုပ်တော့။ ပါးစပ်က အသက်ရှု သည်ဆိုရုံလေး လှုပ်ခဲ့နေသည်။ တစ်နေရာတည်းမှာ ငြိမ်သက်နေသော အမေ့မျက်ဝန်းကြည့်က ဆရာတော့် ဓာတ်ပုံဆီမှာ တည့်မတ်နေ လိုက်ပုံများနှယ်၊ ငေးကြည့် နေသောမျက်ဝန်းအစုံ လက်ခနဲဖြစ်သွားလိုက်တာ အစ်ကိုရော ကျွန်မရောရဲ့ အမြင်ပါ။
လှုပ်ဟကာမနည်း အသက်ရှူနေရသော ပါးစပ်လေး လှုပ်ခတ်မှုမရှိတော့။ အားလုံး ငြိမ်သက်တိတ်ဆိတ် သွားပြီ။ ကဲ လူတွေပြောကြတဲ့ ကင်ဆာရောဂါသည်တွေ သေခါနီးရင် အော်ဟစ်နေရတယ် ဆိုတဲ့စကား ဘယ်မှာ ဟုတ်လို့ပါလိမ့်။
သူ မသေချင်သော ဆေးရုံမှာလည်း မသေ၊ သူ သေချင်သော သူ့ အိမ်သူ့အိပ်ရာလေးမှာပဲ သေ ခဲ့ရ။ အားလုံးက မဖြစ်စေချင်တဲ့ သွေးယိုထွက်မှုတွေလည်း မတွေ့ရ။ သေခါနီးမှာ အော်ဟစ်ဆူပူငိုကြွေးမှုတွေလည်း မရှိပါပဲ ကျွန်မတို့ရဲ့ ချစ်လှစွာသောမိခင်ကြီး ငြိမ်းချမ်းစွာ ကွယ်ပျောက်ခဲ့ပါပြီ။ ကျွန်မတို့မောင်နှမတွေ ရုတ်ချည်းမငိုမိကြပါ။ ကိုယ်ငိုချလိုက်လျှင် အမေ့ငြိမ်းချမ်းမှုလေး ပျောက်သွားမှာကို စိုးရိမ်နေသည်။
စောင်ဖြူဖြူလှလှလေးကိုခြုံကာ ပီဘိငြိမ်းချမ်း သောမျက်နှာလေးနှင့် လဲလျောင်းနေသော အမေ့ခုတင် ဘေးထိုင်ကာ အမေ့မျက်နှာကို တစိမ့်စိမ့်ငေးရင်း အားပါး တရမျက်ရည်များကျဖြစ်ခဲ့သည်။ အမေ ငြိမ်းချမ်းသွားလေပြီ။

ကြွေးဟောင်းများကို ဒီဘ၀မှာ အကုန်ချေကာ ကြွေးသစ်မယူဘဲ ဘ၀ကူး ပြောင်းသွားသော ကျွန်မတို့ရဲ့ အမေ အမှန်တကယ်ငြိမ်းချမ်းသွားခဲ့ပါပြီ။ ၀မ်းသာရပါသည် အမေ။

ထို့အတူ ၀မ်းနည်းပါသည် အမေ။ ဘ၀ အသစ်မှာ ပြည့်စုံသော ပျော်ရွှင်မှုအသစ်တွေနဲ့ အမေပျော်နေမယ်ဆိုရင်ဖြင့် ကျွန်မတို့ အမေနှင့်ခွဲရကျိုးနပ်ပါပြီ။

** စာရေးဆရာမ – မီမိုး